ആശ വര്ക്കര്മാര്ക്ക് ഓണറേറിയം നല്കാനുള്ള മാനദണ്ഡം പിന്വലിച്ച് സര്ക്കാര്. സമരം മൂന്നാം ഘട്ടത്തിലേക്ക്
ആശ വര്ക്കര്മാര്ക്ക് ഓണറേറിയം നല്കാനുള്ള മാനദണ്ഡം പിന്വലിച്ച് സര്ക്കാര്. ഓണറേറിയം നല്കുന്നതിന് ഏര്പ്പെടുത്തിയിട്ടുള്ള അഞ്ച് മാനദണ്ഡങ്ങള് കൂടി പിന്വലിച്ച് ഉത്തരവിറക്കി
തിരുവനന്തപുരം| സംസ്ഥാന സെക്രട്ടേറിയേറ്റിന് മുന്നിൽ പ്രതിഷേധിക്കുന്ന ആശമാർ മൂന്നാം ഘട്ട സമരം പ്രഖ്യാപിച്ചു. ഈ മാസം 20 മുതൽ നിരാഹാര സമരമിരിക്കുമെന്നാണ് പ്രഖ്യാപനം. സമരം ചെയ്യുന്ന മൂന്ന് മുൻനിര നേതാക്കൾ അനിശ്ചിത കാലത്തേക്ക് നിരാഹാര സമരമിരിക്കും എന്നാണ് പ്രഖ്യാപിച്ചിരിക്കുന്നത്.
അതേഅസമയം ആശ വര്ക്കര്മാര്ക്ക് ഓണറേറിയം നല്കാനുള്ള മാനദണ്ഡം പിന്വലിച്ച് സര്ക്കാര്. ഓണറേറിയം നല്കുന്നതിന് ഏര്പ്പെടുത്തിയിട്ടുള്ള അഞ്ച് മാനദണ്ഡങ്ങള് കൂടി പിന്വലിച്ച് ഉത്തരവിറക്കി. പത്ത് മാനദണ്ഡങ്ങളില് അഞ്ചെണ്ണം നേരത്തെ പിന്വലിച്ചിരുന്നു. ആരോഗ്യമന്ത്രി വീണാ ജോര്ജുമായി നടത്തിയ ചര്ച്ചയില് ഓണറേറിയം ലഭിക്കാനുള്ള നിര്ദേശങ്ങള് പിന്വലിക്കുമെന്ന് ഉറപ്പ് നല്കിയിരുന്നു. അതിനിടെ ആശമാര് സമരം ശക്തമാക്കിയതോടെയാണ് മാനദണ്ഡങ്ങള് പിന്വലിച്ച് ഉത്തരവിറക്കിയത്. 12-ാം തീയതിയാണ് ഉത്തരവിറക്കിയത്.
നിലവില് പ്രതിമാസം 7000 രൂപയാണ് ആശമാര്ക്ക് ഓണറേറിയമായി ലഭിക്കുന്നത്. 10 മാനദണ്ഡങ്ങളില് അഞ്ചെണ്ണം പൂര്ത്തീകരിച്ചാലാണ് ഓണറേറിയമായ 7000 രൂപ ലഭിക്കുക. എന്നാല് ഇനി മുതല് ഓണറേറിയം ലഭിക്കാന് മാനദണ്ഡങ്ങളുണ്ടാവില്ല. ഒപ്പം ഭവന സന്ദര്ശനത്തിനും മറ്റു പ്രവര്ത്തനങ്ങള്ക്കുമായി പ്രതിമാസം നല്കിവരുന്ന ഫിക്സഡ് ഇന്സെന്റീവായ 3000 അനുവദിക്കുന്നതിനുള്ള മാനദണ്ഡങ്ങളിലും സര്ക്കാര് ഭേദഗതി വരുത്തി ഉത്തരവിറക്കിയിട്ടുണ്ട്.