സ്പീക്കര്‍ എം.ബി. രാജേഷിന്റെ അസി. പ്രൈവറ്റ് സെക്രട്ടറിയെന്ന പേരിൽ തട്ടിപ്പ്
സ്പീക്കറുടെ അസി. പ്രൈവറ്റ് സെക്രട്ടറിയെന്ന പേരിലാണ് പ്രവീൺ ബാലചന്ദ്രൻ എന്നയാൾ സ‍ർക്കാർ ജോലി വാഗ്ദാനം ചെയ്ത് പണം തട്ടുന്നതെന്ന് സ്പീക്കറുടെ ഓഫീസ്
നിയമസഭാ സ്പീക്കര്‍ എം.ബി. രാജേഷിന്റെ പേരിൽ തട്ടിപ്പ് നടക്കുന്നതായി പരാതി. സ്പീക്കറുടെ അസി. പ്രൈവറ്റ് സെക്രട്ടറിയെന്ന പേരിലാണ് പ്രവീൺ ബാലചന്ദ്രൻ എന്നയാൾ സ‍ർക്കാർ ജോലി വാഗ്ദാനം ചെയ്ത് പണം തട്ടുന്നതെന്ന് സ്പീക്കറുടെ ഓഫീസ്.തട്ടിപ്പിനെതിരെ സ്പീക്കർ തന്നെ ഡിജിപിക്ക് പരാതി നൽകി.
തട്ടിപ്പിനിരയായ ഒരു യുവതി സ്പീക്കറെ നേരില്‍ ഫോണില്‍ വിളിച്ച് കാര്യം പറഞ്ഞതിനെ തുടര്‍ന്നാണ് ഈ വിവരം അറിയുന്നതെന്നും സര്‍ക്കാര്‍ ജോലി വാഗ്ദാനം ചെയ്തുകൊണ്ട് കോട്ടയത്തും പരിസര പ്രദേശങ്ങളിലും നിരവധി പേരില്‍ നിന്നും പണം കൈപ്പറ്റുന്നതായി അറിയാൻ സാധിച്ചെന്നും സ്പീക്കറുടെ ഓഫീസ് വാ‍ർത്താക്കുറിപ്പിൽ അറിയിച്ചു.