മുൻ മന്ത്രി വി.കെ. ഇബ്രാഹിംകുഞ്ഞിന് എതിരെ എന്‍ഫോഴ്സ്മെന്‍റ് കേസെടുത്തു
കേസില്‍ പ്രാഥമിക അന്വേഷണം തുടങ്ങിയെന്ന് എന്‍ഫോഴ്സ്മെന്‍റ് ഹൈക്കോടതിയെ അറിയിച്ചു.
കൊച്ചി: പത്തു കോടിയുടെ കള്ളപ്പണം വെളുപ്പിച്ചെന്ന പരാതിയില്‍ മുന്‍ പൊതുമരാമത്ത് വകുപ്പ് മന്ത്രി വി.കെ. ഇബ്രാഹിംകുഞ്ഞിന് എതിരെ എന്‍ഫോഴ്സ്മെന്‍റ് കേസെടുത്തു. കേസില്‍ പ്രാഥമിക അന്വേഷണം തുടങ്ങിയെന്ന് എന്‍ഫോഴ്സ്മെന്‍റ് ഹൈക്കോടതിയെ അറിയിച്ചു.
അതേസമയം, പാലാരിവട്ടം പാലം അഴിമതി കേസില്‍ വിജിലന്‍സിനോട‌ു ഏപ്രില്‍ ഏഴിനകം റിപ്പോര്‍ട്ട് സമര്‍പ്പിക്കാനും ഹൈക്കോടതി ആവശ്യപ്പെട്ടിട്ടുണ്ട്. ഡിവൈഎസ്പി അടക്കമുള്ളവരെ സസ്പെന്‍ഡ് ചെയ്ത സാഹചര്യം റിപ്പോര്‍ട്ടില്‍ വ്യക്തമാക്കാനും കോടതി നിര്‍ദ്ദേശിച്ചു. കേസില്‍ ഇബ്രാഹിംകുഞ്ഞിനെ വിജിലന്‍സ് അഞ്ചാം പ്രതിയായി ചേര്‍ത്തിരുന്നു.