കൊളംബിയൻ ഫുട്ബോളർ വെടിവച്ച് കൊന്നു !
കൊളംബിയൻ ക്ലബ് ഫുട്ബോൾ താരം അലക്സാൻഡ്രോ പെനറൻഡ(24) വെടിയേറ്റു മരിച്ചു
ബഗോട്ട: കൊളംബിയൻ ക്ലബ് ഫുട്ബോൾ താരം അലക്സാൻഡ്രോ പെനറൻഡ(24) വെടിയേറ്റു മരിച്ചു. സഹകളിക്കാരൻ ഹീസൻ ഇസ്ക്വീർഡോയ്ക്ക് പരിക്കേറ്റു. ഇസ്ക്വീർഡോയെ വാലെ യൂണിവേഴ്സിറ്റി ആശുപത്രിയിൽ പ്രവേശിപ്പിച്ചു.
കലി നഗരത്തിലാണ് പ്രദേശിക സമയം ശനിയാഴ്ച പുലർച്ചെയാണ് സംഭവം. ഫുട്ബോൾ താരങ്ങൾ പങ്കെടുത്ത പാർട്ടിക്കിടെ എത്തിയ തോക്കുധാരി പെനറൻഡയെയും സഹതാരത്തെയും ആക്രമിക്കുകയായിരുന്നു. വെടിവെച്ച ശേഷം അക്രമി ഓടി രക്ഷപ്പെട്ടു.
രണ്ടാം ഡിവിഷൻ ക്ലബായ ഡെപോർട്ടീവോ ടുലുവായുടെ താരമായിരുന്നു പെനറൻഡ.c