ഉത്തരാഖണ്ഡിൽ പ്രളയ ദുരിതാശ്വാസ പ്രവർത്തനങ്ങൾക്ക് പോയ ഹെലികോപ്റ്റർ തകർന്നു; 3 പേരെ കാണാതായി

കനത്ത മഴയത്തെ തുടർന്ന് വെള്ളപ്പൊക്കവും മണ്ണിടിച്ചിലും തുടരുന്ന ഉത്തരാഖണ്ഡിൽ ദുരിതാശ്വാസ പ്രവർത്തനങ്ങൾക്ക് പോയ ഹെലികോപ്റ്റർ തകർന്നു വീണ് 3 പേരെ കാണാതായി. പ്രളയദുരിതാശ്വാസ സാമഗ്രികളുമായി പോകുകയായിരുന്ന ഹെലികോപ്റ്ററാണ് ഉത്തരകാശി ജില്ലയിൽ വെച്ച് തകർന്ന് വീണത്.ഹെലികോപ്റ്റർ വൈദ്യുതി ലൈനിൽ കുടുങ്ങിയതിനെ തുടർന്നാണ് അപകടമെന്നാണ് പ്രാഥമിക നിഗമനം.

രണ്ട് പൈലറ്റുമാരടക്കം മൂന്ന് പേരാണ് ഹെലികോപ്റ്ററിലുണ്ടായിരുന്നത്. ഇവർക്കായി തെരച്ചിൽ തുടരുകയാണ്. ഡെറാഡൂണിൽ നിന്നും പ്രളയദുരിതാശ്വാസ സാമഗ്രികളുമായെത്തിയ ഹെലികോപ്റ്ററാണ് അപകടത്തിൽപെട്ടത്.