സാമ്പത്തിക പ്രതിസന്ധി പരിഹരിക്കാൻ എട്ടിന ദുരിതാശ്വാസ പദ്ധതികള്‍ പ്രഖ്യാപിച്ച് ധനമന്ത്രി

ഡല്‍ഹി: കോവിഡ് പ്രതിസന്ധി മറികടക്കാന്‍ എട്ടിന ദുരിതാശ്വാസ പദ്ധതികള്‍ പ്രഖ്യാപിച്ച് ധനമന്ത്രി നിര്‍മലാ സീതാരാമന്‍. സാമ്പത്തിക-ആരോഗ്യ മേഖലകള്‍ക്കാണ് പദ്ധതി. ഇതില്‍ നാല് പദ്ധതികള്‍ തികച്ചും പുതിയതും ഒന്ന് ആരോഗ്യ അടിസ്ഥാനസൗകര്യത്തെ ഉന്നമിട്ടാണെന്നും ധനമന്ത്രി പറഞ്ഞു.കോവിഡ് ബാധിത മേഖലകള്‍ക്കായി 1.1 ലക്ഷം കോടി രൂപയുടെ വായ്പ ഗ്യാരന്റിയാണ് പദ്ധതിയുടെ ഭാഗമായി പ്രഖ്യാപിച്ചത്. ആരോഗ്യ മേഖലയില്‍ അടിസ്ഥാന സൗകര്യ വികസനത്തിന് 50000 കോടി രൂപയുടെ സഹായവും മറ്റു മേഖലകള്‍ക്കായി 60000 കോടി രൂപയും പ്രഖ്യാപിച്ചു.സാമ്പത്തിക രംഗത്ത് ഉണർവ് ഉണ്ടാക്കുന്നതിനൊപ്പം കൊറോണ പ്രതിസന്ധി തകർത്ത മേഖലകളെ തിരികെ കൊണ്ടുവരികയാണ് പുതിയ പദ്ധതികളുടെ ലക്ഷ്യമെന്ന് നിർമ്മല സിതാരാമൻ പറഞ്ഞു.

Rs. 23,220 crores for public health, special focus on child & pediatric care. It will also include HR augmentation to rope in medical students, nurses; strengthening medical infrastructure. The said amount to be spent in this financial year itself: MoS Finance Anurag Thakur

എട്ടിന പദ്ധതിയാണ് കേന്ദ്രം പ്രഖ്യാപിച്ചത്. ഇതിൽ നാല് പദ്ധതികൾ തികച്ചും പുതിയതും ഒന്ന് ആരോഗ്യ അടിസ്ഥാന സൗകര്യത്തെ ലക്ഷ്യമിട്ടാണെന്നും ധനമന്ത്രി പറഞ്ഞു. 1.1 ലക്ഷം കോടിയുടെ വായ്പാ ഗ്യാരണ്ടി പദ്ധതിയാണ് ആദ്യം പ്രഖ്യാപിച്ചത്. ഇതിൽ 50,000 കോടി രൂപ ആരോഗ്യ മേഖലയ്ക്കും മറ്റ് മേഖലകൾക്കായി 60,000 കോടി രൂപയും പ്രഖ്യാപിച്ചു. ഇത് കൂടാതെ 1.5 ലക്ഷം കോടി രൂപയുടെ ഒരു സാമ്പത്തിക സഹായം കൂടി പ്രഖ്യാപിച്ചിട്ടുണ്ട്. ചെറുകിട സ്ഥാപനങ്ങളെ സഹായിക്കുന്നതിനായാണ് ഈ പദ്ധതി.

കഴിഞ്ഞ സാമ്പത്തിക വർഷം ആത്മനിർഭർ ഭാരത് പദ്ധതിയിൽ 3 ലക്ഷം കോടി രൂപയുടെ സാമ്പത്തിക വായ്പ പദ്ധതി പ്രഖ്യാപിച്ചിരുന്നു. ഇത് 4.5 ലക്ഷമാക്കി ഉയർത്തിയതായി നിർമ്മല സീതാരാമൻ അറിയിച്ചു. കഴിഞ്ഞ സാമ്പത്തിക വർഷത്തിൽ ആത്മ നിർഭർ ഭാരത് പദ്ധതികൾ പ്രഖ്യാപിച്ചിരുന്നു. 20 ലക്ഷം കോടി രൂപയുടെ പദ്ധതിയാണ് പ്രഖ്യാപിച്ചത്. ഇതിന്റെ തുടർച്ചയായാണ് പുതിയ പദ്ധതികളെന്ന് ധനമന്ത്രി വ്യക്തമാക്കി.

Farmers to get additional protein-based fertilizer subsidy of nearly Rs 15,000 crores: MoS Finance Anurag Thakur

ആരോഗ്യ മേഖലയ്ക്ക് 7.95 ശതമാനവും മറ്റുമേഖലകള്‍ക്ക് 8.25 ശതമാനവുമാണ് പലിശനിരക്ക്.പുതിയ പദ്ധതിയായ ക്രെഡിറ്റ് ഗ്യാരണ്ടി സ്‌കീമിന് കീഴില്‍ 25 ലക്ഷം പേര്‍ക്ക് പ്രയോജനം ലഭിക്കും. മൈക്രോഫിനാന്‍സ് സ്ഥാപനങ്ങള്‍ നല്‍കേണ്ടതാണ് ഈ വായ്പ. ഇതിലൂടെ പരമാവധി 1.25 ലക്ഷം രൂപ വായ്പയായി ലഭിക്കും. 89 ദിവസം വരെ തിരിച്ചടവില്‍ വീഴ്ച വരുത്തിയവരടക്കം എല്ലാ വായ്പക്കാരും ഇതിന് അര്‍ഹരാണ്.

ടൂറിസ്റ്റ് മേഖലയെ പുനരുജ്ജീവിപ്പിക്കാനുള്ള പദ്ധതിയും ധനമന്ത്രി പ്രഖ്യാപിച്ചു. വിസ വിതരണം പുനരാംഭിച്ചു കഴിഞ്ഞാല്‍ ആദ്യത്തെ അഞ്ചു ലക്ഷം ടൂറിസ്റ്റ് വിസകള്‍ സൗജന്യമായി നല്‍കും. 2022 മാര്‍ച്ച് 31 വരെയാകും ഈ പദ്ധതിയുടെ കാലാവധി. ഒരു ടൂറിസ്റ്റിന് ഒരു വിസ മാത്രമേ ലഭിക്കൂ.ട്രാവല്‍ ഏജന്‍സികള്‍ക്ക് പത്ത് ലക്ഷം രൂപ വായ്പ നല്‍കും. ടൂറിസ്റ്റ് ഗൈഡുകള്‍ക്ക് ഒരു ലക്ഷം രൂപയുടെ വായ്പയും അനുവദിക്കും.നോര്‍ത്ത് ഈസ്റ്റേണ്‍ റീജിയണല്‍ കര്‍ഷക മാര്‍ക്കറ്റിംഗ് കോര്‍പ്പറേഷന്റെ പുനരുജ്ജീവനത്തിന് 77.45 കോടിയുടെ പാക്കേജ്.
കര്‍ഷകര്‍ക്ക് 15,000 കോടി രൂപയുടെ പ്രോട്ടീന്‍ അധിഷ്ഠിത വളം സബ്‌സിഡി ലഭിക്കും.ഇന്ത്യയിലെ എല്ലാ ഗ്രാമത്തിലേക്കും ബ്രോഡ്ബാന്‍ഡ് വ്യാപിപ്പിക്കുന്നതിന് 19,041 കോടി രൂപ പാക്കേജ്