കരുവന്നൂർ ബാങ്ക് കള്ളപ്പണ കേസില് സിപിഎം തൃശ്ശൂർ ജില്ലാ സെക്രട്ടറി എം എം വർഗീസിന് ഇ ഡി നോട്ടീസ്
ബാങ്കിൽ നിന്ന് കോടികളുടെ ബനാമി വായ്പകൾ അനുവദിച്ചതിൽ ആണ് ചോദ്യം ചെയ്യൽ. കരുവന്നൂർ കേസിൽ ഉന്നത ഇടപെടൽ ഉണ്ടെന്നു ഇ ഡി ആദ്യഘട്ട കുറ്റപത്രത്തിൽ വ്യക്തമാക്കിയിരുന്നു. 55പ്രതികളെ ഉൾപ്പെടുത്തിയാണ് ഒന്നാംഘട്ട കുറ്റപത്രം നൽകിയിട്ടുള്ളത്.
![ED notice to CPM Thrissur district secretary MM Varghese in Karuvannur bank black money case](https://indiavisionmedia.com/wp-content/uploads/2023/11/mm-varghese.jpg)
കൊച്ചി| കരുവന്നൂർ ബാങ്ക് കള്ളപ്പണ കേസില് അന്വേഷണം ഉന്നതരിലേക്ക് നീങ്ങുന്നു. കരുവന്നൂർ ബാങ്ക് കള്ളപ്പണക്കേസിൽ സിപിഎം തൃശ്ശൂർ ജില്ലാ സെക്രട്ടറി എം എം വർഗീസിന് ഇ ഡി നോട്ടീസ് അയച്ചു. ഈ മാസം 25 ന് ചോദ്യം ചെയ്യലിന് കൊച്ചി ഓഫീസിൽ ഹാജരാകാൻ ആണ് നിർദ്ദേശം. ബാങ്കിൽ നിന്ന് കോടികളുടെ ബനാമി വായ്പകൾ അനുവദിച്ചതിൽ ആണ് ചോദ്യം ചെയ്യൽ. കരുവന്നൂർ കേസിൽ ഉന്നത ഇടപെടൽ ഉണ്ടെന്നു ഇ ഡി ആദ്യഘട്ട കുറ്റപത്രത്തിൽ വ്യക്തമാക്കിയിരുന്നു. 55പ്രതികളെ ഉൾപ്പെടുത്തിയാണ് ഒന്നാംഘട്ട കുറ്റപത്രം നൽകിയിട്ടുള്ളത്. കേസിൽ സിപിഎം സംസ്ഥാന സമിതി അംഗങ്ങളായ എം കെ കണ്ണൻ എ സി മൊയ്തീൻ എന്നിവരെയും ഇഡി നേരത്തെ ചോദ്യം ചെയ്തിരുന്നു
കള്ളപ്പണ കേസിലെ ഉന്നത ഇടപെടലിൽ അന്വേഷണം തുടരുകയാണെന്ന് കുറ്റപത്രത്തിൽ ഇഡി വ്യക്തമാക്കിയിരുന്നു. ഇതിനുപിന്നാലെയാണിപ്പോള് സിപിഎം നേതാവിന് നോട്ടീസ് നല്കിയിരിക്കുന്നത്. കേസില് രണ്ടാം ഘട്ട അന്വേഷണം ആരംഭിച്ചതോടെയാണ് ഇഡി സിപിഎം തൃശ്ശൂര് ജില്ലാ സെക്രട്ടറിക്ക് നോട്ടീസ് നല്കിയിരിക്കുന്നത്. കേസില് കൂടുതല് ഉന്നതര്ക്കെതിരെ അന്വേഷണം വ്യാപിപ്പിക്കുമെന്നാണ് വിവരം.കരുവന്നൂർ സഹകരണ ബാങ്കിനു 343 കോടി രൂപയിൽ അധികം നഷ്ടപ്പെട്ട കള്ളപ്പണം വെളുപ്പിക്കൽ കേസിൽ 55 പേരെ പ്രതി ചേർത്ത് ഇ.ഡി. പ്രാഥമിക കുറ്റപത്രം സമർപ്പിച്ചിരുന്നു. പ്രതിപ്പട്ടികയിൽ 50 വ്യക്തികളും 5 കമ്പനികളും ഉൾപ്പെടുന്നു. ബാങ്കിനു നഷ്ടപ്പെട്ട 343 കോടി രൂപയിൽ 150 കോടി രൂപയുടെ കള്ളപ്പണം വെളുപ്പിച്ചതിന്റെ തെളിവുകളാണ് ഇ.ഡി ഇതുവരെ കണ്ടെത്തിയത്.