ഡൽഹിയിൽ വീണ്ടും വെടിവയ്പ്പ് രണ്ടു പേർക്ക് പരിക്ക് കലാപത്തിൽ മരിച്ചവരുടെ എണ്ണം 38 ആയി

ഡൽഹി :ഒരിടവേളക്ക് ശേഷം വീണ്ടും കലാപം അരങ്ങേറുകയാണ് ഡല്‍ഹിയില്‍ വൈകീട്ടും വെടിവെപ്പുണ്ടായി. കരാവൽ നഗറിൽ ഉണ്ടായ വെടിവെപ്പില്‍ രണ്ട് പേര്‍ക്ക് പരിക്കേറ്റു. ഇവരെ ജിടിബി ആശുപത്രിയില്‍ പ്രവേശിപ്പിച്ചു. ഇരുവരുടെയും നില ഗുരുതരമല്ല. ഇതിനിടെ പരിക്കേറ്റ് ചികിത്സയിൽ കഴിഞ്ഞിരുന്ന രണ്ടുപേർകൂടി ഇന്ന് മരിച്ചുഇതോടെ ഡൽഹി കലാപത്തിൽ മരിച്ചവരുടെ എണ്ണം 38 ആയി.

കലാപത്തിന്‍റെ സുരക്ഷ ചുമതല ദേശീയ സുരക്ഷ ഉപതേഷ്ടാവ് അജിത് ഡോവല്‍ ഏറ്റെടുത്തതിന് ശേഷം സ്ഥിതിഗതികള്‍ ശാന്തമാണ് എന്നായിരുന്നു സര്‍ക്കാര്‍ റിപ്പോര്‍ട്ടുകള്‍. എങ്കിലും ഇപ്പോഴും അക്രമങ്ങള്‍ നടക്കുന്നുണ്ട് എന്ന രീതിയിലാണ് റിപ്പോര്‍ട്ടുകള്‍ പുറത്ത് വരുന്നത്. ഇന്നലെ പുരാനാ മുസ്തഫാബാദിലുണ്ടായ വെടിവെപ്പില്‍ മരിച്ച രണ്ടു പേരുടെ മൃതദേഹങ്ങളും ജിടിബി ആശുപത്രിയിലുണ്ട്