“ഭരണത്തണലിൽ ഡൽഹിയിൽ മനുക്ഷ്യ കുരുതി”കലാപങ്ങളിൽ കൊല്ലപ്പെട്ടവരുടെ എണ്ണം 25 ആയി
അക്രമങ്ങളുടെ പശ്ചാത്തലത്തിൽ 18 എഫ്ഐആറുകൽ രജിസ്റ്റർ ചെയ്തിട്ടുണ്ടെന്നും 108 പേർ അറസ്റ്റിലായിട്ടുണ്ടെന്നും പൊലീസ് കലാപത്തിനിടെ കൊല്ലപ്പെട്ട പൊലീസ് കോൺസ്റ്റബിൾ രത്തൻ ലാലിന്റെ കുടുംബത്തിന് മുഖ്യമന്ത്രി അരവിന്ദ് കെജ്രിവാൾ ഒരു കോടി രൂപ നഷ്ടപരിഹാരം പ്രഖ്യാപിച്ചു
ഡൽഹി:ഡൽഹി കലാപങ്ങളിൽ കൊല്ലപ്പെട്ടവരുടെ എണ്ണം 25 ആയി. ഡൽഹി അക്രമങ്ങളുടെ പശ്ചാത്തലത്തിൽ 18 എഫ്ഐആറുകൽ രജിസ്റ്റർ ചെയ്തിട്ടുണ്ടെന്നും 108 പേർ അറസ്റ്റിലായിട്ടുണ്ടെന്നും പൊലീസ് കലാപത്തിനിടെ കൊല്ലപ്പെട്ട പൊലീസ് കോൺസ്റ്റബിൾ രത്തൻ ലാലിന്റെ കുടുംബത്തിന് മുഖ്യമന്ത്രി അരവിന്ദ് കെജ്രിവാൾ ഒരു കോടി രൂപ നഷ്ടപരിഹാരം പ്രഖ്യാപിച്ചു. സൈന്യത്തെ വിന്യസിക്കണമെന്നും കെജ്രിവാൾ ആവശ്യപ്പെട്ടു. കെജ്രിവാളും മനീഷ് സിസോദിയയും അക്രമ ബാധിത പ്രദേശങ്ങൾ സന്ദർശിക്കുന്നു.
ദേശീയ സുരക്ഷാ ഉപദേഷ്ടാവ് അജിത് ഡോവൽ സ്ഥിതിഗതികൾ വിലയിരുത്തി. സ്ഥിതിഗതികൾ നിയന്ത്രണവിധേയമെന്ന് അദ്ദേഹം. 1984 ആവർത്തിക്കാൻ അനുവദിക്കരുതെന്ന് ഡൽഹി ഹൈക്കോടതി
അതേസമയം കലാപബാധിതമായ വടക്ക്കിഴക്കൻ ഡൽഹി സന്ദർശിച്ച ശേഷം ദേശീയ സുരക്ഷാ ഉപദേഷ്ടാവ് അജിത് ഡോവൽ മാധ്യമങ്ങളോട് പറഞ്ഞു: ‘ഇൻഷാ അല്ലാ, ഇവിടെ സമാധാനമുണ്ടാകും’. നേരത്തെ, ഡൽഹിയിൽ സമാധാനം പുനഃസ്ഥാപിക്കുന്നതിന്‍റെ പൂർണ ചുമതല ഡോവലിന് നൽകിയിരുന്നു. മൗജ്പുർ, സീലംപുർ, ജഫ്രാബാദ് എന്നീ പ്രദേശങ്ങളാണ് അദ്ദേഹം സന്ദർശിച്ചത്. സന്ദർശനത്തിന് ശേഷം കേന്ദ്ര ആഭ്യന്തര മന്ത്രി അമിത് ഷായെ സന്ദർശിച്ച ഡോവൽ സ്ഥിതിഗതികൾ അദ്ദേഹത്തെ ധരിപ്പിച്ചു. സ്ഥിതിഗതികൾ നിയന്ത്രണവിധേയമാണെന്നും പൊലീസ് അടക്കമുള്ള ഏജൻസികൾ അവരുടെ ജോലി ചെയ്യുന്നുണ്ടെന്നും അജിത് ഡോവൽ പറഞ്ഞു.
വലിയ നാശനഷ്ടങ്ങളുണ്ടായ ജാഫ്രാബാദിൽ പൊലീസ് ഉദ്യോഗസ്ഥരടക്കമുള്ള സംഘവുമായാണ് അജിത് ഡോവൽ സന്ദർശനം നടത്തിയത്. ‘ഞാനൊരു വിദ്യാർഥിയാണ്. എനിക്ക് പഠിക്കാൻ പോകാനാകുന്നില്ല. പൊലീസ് അവരുടെ ജോലി ചെയ്യാത്തതിനാൽ രാത്രിയിൽ ഉറങ്ങാൻ പോലുമാകുന്നില്ല. എന്തെങ്കിലും ചെയ്യണം സാർ’.സന്ദർശനത്തിനിടെ ഒരു വിദ്യാർഥിനി അദ്ദേഹത്തോട് പറഞ്ഞു.ഈ സ്ഥലങ്ങളിൽ ജീവിക്കാൻ ഭയമാണെന്നും അവർ ഡോവലിനോട് പറഞ്ഞു. ജനങ്ങൾ പോലീസിന്‍റെ കഴിവിനെ സംശയിക്കേണ്ടതില്ലെന്നും എല്ലാം നിയന്ത്രണത്തിലാക്കാൻ പോലീസിന് സാധിക്കുമെന്നും അദ്ദേഹം പറഞ്ഞു. എല്ലാം സമാധാനപരമായി പരിഹരിക്കാമെന്നായിരുന്നു ഡോവലിന്‍റെ മറുപടി