സംസ്ഥാനത്ത് ഇന്ന് 7 പേര്‍ക്ക് കൊവിഡ് രോഗബാധ

സംസ്ഥാനത്ത് ഇന്ന് 7 പേര്‍ക്ക് കോവിഡ് സ്ഥിരീകരിച്ചു. കോട്ടയത്ത് മൂന്ന് പേര്‍ക്കും കൊല്ലത്ത് മൂന്ന് പേര്‍ക്കും കണ്ണൂര്‍ ഒരാള്‍ക്കുമാണ് കോവിഡ് സ്ഥിരീകരിച്ചത്. ഏഴ് പേരുടെ ഫലം നെഗറ്റീവായി.സംസ്ഥാനത്ത് 457 പേര്‍ക്കാണ് ഇതുവരെ കോവിഡ് സ്ഥിരീകരിച്ചത്. 116 പേര്‍ ചികിത്സയിലുണ്ട്. വയനാട്, തൃശൂര്‍, ആലപ്പുഴ ജില്ലകളില്‍ ആരും ചികിത്സയില്‍ ഇല്ല.കോഴിക്കോട് 84 വയസുകാരന്‍ രോഗമുക്തി നേടി. കൂത്തുപറമ്പ് സ്വദേശിയാണ്. ഇത് കേരളത്തിന് നേട്ടമാണ്.സംസ്ഥാനത്തിന്‍റെ ഇടപെടലുകളെ കേന്ദ്രം സംതൃപ്തിയോടെ കാണുന്നു.കൊല്ലത്ത് രോ​ഗം സ്ഥിരീകരിച്ചത് ആരോ​ഗ്യപ്രവ‍ര്‍ത്തകയ്ക്ക് ആണ്. ഇതുവരെ രോ​ഗം സ്ഥിരീകരിച്ചത് 457 പേ‍ര്‍ക്കാണ്. അതില്‍ 114 പേ‍ര്‍ ചികിത്സയിലുള്ളത്. 21044 പേരാണ് സംസ്ഥാനത്ത് നിരീക്ഷണത്തിലുള്ളത്. ഇതില്‍ 464 പേര്‍ ആശുപത്രിയിലാണ്. ഇന്ന് 132 പേരെ പുതുതായി ആശുപത്രിയില്‍ പ്രവേശിപ്പിച്ചു.