ഗൾഫിൽ കൊറോണ പടരുന്നു ഇന്നലെ മാത്രം 109 പേർക്ക് രോഗം സ്ഥിരീകറിച്ചു രോഗികളുടെ എണ്ണം 1309 പിന്നിട്ടു
ഗള്‍ഫിലെ മേഖലയിലെ രോഗികളുടെ എണ്ണം 1309 ആയി. ഒമാനിൽ പൊതുഗതാഗതം പൂർണമായും നിർത്തി. എല്ലാതരം പുതിയ വിസകളും റദ്ദാക്കിയ യു.എ.ഇ, ഇന്ന് മുതൽ വിസ ഓൺ അറൈവൽ സൗകര്യവും റദ്ദാക്കി.
ദുബായ് :ലോകത്ത് ഇറ്റലി കഴിഞ്ഞാൽ നിയന്ത്രണാതീതമായി പടർന്നുകൊണ്ടിരിക്കുന്നതു അറബ് രാജ്യങ്ങളിലാണ് കോവിഡ് 19 പടരുന്ന പശ്ചാത്തലത്തില്‍ ഗൾഫിൽ യാത്രാവിലക്കും നിയന്ത്രണവും കൂടുതൽ കർശനമാക്കി. ഇന്നലെ മാത്രം 109 പേർക്കാണ് രോഗം സ്ഥിരീകരിച്ചത്. ഇതോടെ ഗള്‍ഫിലെ മേഖലയിലെ രോഗികളുടെ എണ്ണം 1309 ആയി. ഒമാനിൽ പൊതുഗതാഗതം പൂർണമായും നിർത്തി. എല്ലാതരം പുതിയ വിസകളും റദ്ദാക്കിയ യു.എ.ഇ, ഇന്ന് മുതൽ വിസ ഓൺ അറൈവൽ സൗകര്യവും റദ്ദാക്കി.
ഇന്നലെ മുതൽ എല്ലാ വിദേശികൾക്കും ഒമാൻ പ്രവേശനം തടഞ്ഞു. ഇതറിയാതെ മസ്കത്ത് വിമാനത്താവളത്തിൽ വന്നുപെട്ട നൂറിലേറെ മലയാളികൾ ഇന്ന് വെളുപ്പിനുള്ള വിമാനത്തിൽ നാട്ടിലേക്ക് മടങ്ങി. കുവൈത്ത്, ഖത്തർ, സൗദി എന്നിവിടങ്ങളിലും യാത്രാവിലക്ക് ശക്തമാണ്. യു.എസ് പാസ്പോർട്ടുള്ള ഇന്ത്യക്കാർക്കും മറ്റും ലഭിച്ചു വന്ന വിസ ഓൺ അറൈവൽ സൗകര്യവും യു.എ.ഇ നിർത്തി. യു.എ.ഇയിൽ വന്നിറങ്ങുന്നവർക്ക് രണ്ടാഴ്ച ഗാർഹിക നിരീക്ഷണം നിർബന്ധമാക്കി. ലംഘിച്ചാൽ കടുത്ത നടപടി ഉണ്ടാകും. നിരീക്ഷണ കാലയളവ് മറികടന്നാൽ കുവൈത്തിലും ശിക്ഷ കടുത്തതായിരിക്കും.
