കോവിഡ് 19; സാമ്ബത്തിക പ്രതിസന്ധി മറികടക്കാന്‍ 20000 കോടിയുടെ പാക്കേജ്
കുടുംബശ്രീ വഴി 2000 കോടി വായ്പയായി വിതരണം
തിരുവനന്തപുരം: കോവിഡ് വൈറസ് വ്യാപന സാഹചര്യമുണ്ടാക്കിയ സാമ്ബത്തിക പ്രതിസന്ധി മറികടക്കാന്‍ 20000 കോടിയുടെ സാമ്ബത്തിക പാക്കേജ് മുഖ്യമന്ത്രി പിണറായി വിജയന്‍ പ്രഖ്യാപിച്ചു. കുടുംബശ്രീ വഴി 2000 കോടി വായ്പയായി വിതരണം ചെയ്യുമെന്ന് അദ്ദേഹം പറഞ്ഞു.
എ.പി.എല്‍, ബി.പി.എല്‍ വ്യത്യാസമില്ലാതെ എല്ലാവര്‍ക്കും ഒരു മാസത്തെ ഭക്ഷ്യ ധാന്യം വിതരണം ചെയ്യും. അടുത്ത മാസത്തെ സാമൂഹിക സുരക്ഷാ പെന്‍ഷന്‍ ഈ മാസം തന്നെ വിതരണം ചെയ്യും. 500 കോടി രൂപ ആരോഗ്യ പാക്കേജിനായി മാത്രം മാറ്റിവെക്കുമെന്നും മുഖ്യമന്ത്രി പറഞ്ഞു.ഉപജീവന സഹായം വിതരണം ചെയ്യാന്‍ 100 കോടി രൂപ മാറ്റിവെക്കും. 20 രൂപ നിരക്കില്‍ ഊണ് നല്‍കുന്ന ആയിരം ഭക്ഷണശാലകള്‍ ഉടനെ തുടങ്ങും. 25 രൂപ നിരക്കില്‍ ഊണ് നല്‍കുമെന്ന് നേരത്തെ പ്രഖ്യാപിച്ചിരുന്ന ഭക്ഷണശാലകള്‍ പ്രത്യേക സാഹചര്യത്തില്‍ നേരത്തെയാക്കുകയും നിരക്ക് കുറക്കുകയുമാണ്.