തുടർച്ചയായ അവഗണന ? ഇടതുമുന്നണി വിട്ട് ഒറ്റക്ക് മത്സരിക്കണം ആർജെഡി നേതൃയോഗത്തിൽ ആവശ്യമുയർന്നു

തിരുവനന്തപുരം |ഇടതുമുന്നണി വിടണമെന്നും നടക്കാനിരിക്കുന്ന തദ്ദേശ തിരഞ്ഞെടുപ്പിൽ ഒറ്റയ്ക്ക് നിന്ന് മത്സരിക്കണമെന്നും ആർജെഡി നേതൃയോ​ഗത്തിൽ ആവശ്യം. ഇടതുമുന്നണിയിൽ അവ​ഗണന നേരിടുന്നുവെന്ന ശക്തമായ വികാരമാണ് നേതൃയോ​ഗത്തിൽ ഉയർന്നത്. തദ്ദേശ തിരഞ്ഞെടുപ്പിൽ ഒറ്റക്ക് നിന്ന് ശക്തി തെളിയിക്കണമെന്ന വികാരത്തിലാണ് ആർജെഡിയിലെ ഭൂരിപക്ഷം നേതാക്കളും.ചരിത്രത്തിൽ ഒരു മുന്നണിയും പാർട്ടിയെ ഈ നിലയിൽ അവ​ഗണിച്ചിട്ടില്ലെന്ന പൊതുവികാരമാണ് നേതൃയോ​ഗത്തിൽ ഉയർന്ന് വന്നത്. “എല്ലാം സഹിച്ച് ഇങ്ങനെ മുന്നോട്ടുപോകുന്നതിൽ എന്ത് കാര്യമെന്നും നേതൃയോ​ഗത്തിൽ അഭിപ്രായങ്ങൾ ഉയർന്നു. ഒരു ജില്ലയിൽ പോലും എൽഡിഎഫ് കൺവീനർ സ്ഥാനം പാർട്ടിക്കില്ലെന്ന കാര്യവും യോ​ഗത്തിൽ ചില നേതാക്കൾ ചൂണ്ടിക്കാണിച്ചു.പരാതി പറഞ്ഞിട്ടും സിപിഐഎം കാര്യമായി എടുക്കുന്നില്ലെന്നായിരുന്നു യോ​ഗത്തിൽ ഉയർന്ന വിമർശനങ്ങളോട് മുതിർന്ന നേതാക്കൾ മറുപടി പറഞ്ഞത്. ഇടതുമുന്നണിയിലെ നാലാമത്തെ കക്ഷിയായിട്ടും സംസാരിക്കാൻ വിളിക്കുന്നത് ഒമ്പതാമതാണെന്നും നേതൃത്വം യോ​ഗത്തിൽ വ്യക്തമാക്കി. ഇനി പരാതി പറഞ്ഞ് അപമാനിതരാവരുതെന്ന പൊതുവികാരത്തിലാണ് യോ​ഗം എത്തിയത്.

കഴിഞ്ഞ ദിവസം തിരുവനന്തപുരത്തു നടന്ന ആർ ജെ ഡി യോഗത്തിലും സി പി ഐ ന്റെ ഏകാധിപത്യ നടപടിക്കെതിരെ വിമർശനം ഉയർന്നിരുന്നു .സർക്കാർ എടുക്കുന്ന ഇല്ലാതിരുമാനങ്ങളും മുന്നണി അറിയാതെയാണ് നടപ്പാക്കുന്നതെന്ന് സംസ്ഥാന സെക്രട്ടറി ജനറൽ വർഗീസ് ജോർജ്ജ് തുറന്നടിച്ചിരുന്നു . പാലക്കാട് സ്വകാര്യ കമ്പനിക്ക് മദ്യനിർമാണ ശാലയ്ക്ക് അനുവദി നല്കുന്നതുൾപ്പെടെയുള്ള കാര്യങ്ങൾ മുന്നണിയിൽ ചർച്ചചെയ്തട്ടില്ലന്നും വർഗീസ് ജോർജ്ജ് പറഞ്ഞു