കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ഇന്ന് അമേഠിയില്‍ നാമനിര്‍ദേശപത്രിക നല്‍കും.
രാഹുലിനെതിരേ അമേഠിയില്‍ സ്മൃതി ഇറാനിയാണ് ബി.ജെ.പി. സ്ഥാനാര്‍ഥി.
അമേഠി: കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി ഇന്ന് അമേഠിയില്‍ നാമനിര്‍ദേശപത്രിക നല്‍കും. കഴിഞ്ഞ 15 വര്‍ഷമായി രാഹുല്‍ അമേഠിയെ പ്രതിനിധീകരിച്ചാണ് പാര്‍ലമെന്റിലെത്തിയത്. ഇത്തവണ അമേഠുക്കു പുറമെ വയനാട്ടിലും കോണ്‍ഗ്രസ് അധ്യക്ഷന്‍ മത്സരിക്കുന്നുണ്ട്.
രാഹുലിനെതിരേ അമേഠിയില്‍ സ്മൃതി ഇറാനിയാണ് ബി.ജെ.പി. സ്ഥാനാര്‍ഥി. 2014-ലെ ലോക്സഭാ തെരഞ്ഞെടുപ്പില്‍ സ്മൃതി ഇറാനിയായിരുന്നു രാഹുലിന്റെ എതിരാളി. മേയ് ആറിനാണ് ഇവിടെ വോട്ടെടുപ്പ്.
അമ്മയും യു.പി.എ. അധ്യക്ഷയുമായ സോണിയാ ഗാന്ധി, സഹോദരി പ്രിയങ്കാ ഗാന്ധി എന്നിവര്‍ക്കൊപ്പമെത്തിയാകും രാഹുല്‍ പത്രിക നല്‍കുക. പത്രികാസമര്‍പ്പണത്തിന്റെ ഭാഗമായി മണ്ഡലത്തില്‍ രാഹുല്‍ റോഡ്‌ഷോയും നടത്തും