മുഖ്യമന്ത്രി യുടെ വാഹനത്തിന് നേരെ കരിങ്കൊടി കാട്ടിയ കോൺഗ്രസ്സ് പ്രവർത്തകർക്ക് പരിക്ക്
ഇതിന്റെ പശ്ചാത്തലത്തില്‍ മുഖ്യമന്ത്രിയെ കരിങ്കൊടി കാണിക്കുന്നതിനായാണ് യൂത്ത് കോണ്‍ഗ്രസ് അടക്കമുള്ള യുഡിഎഫ് പ്രവര്‍ത്തകര്‍ ബേക്കറി ജംഗ്ഷനിലേക്ക് എത്തിയത്. കരിങ്കൊടി കാണിക്കുന്നതിനിടെ അമിത വേഗതയില്‍ പോകുകയായിരുന്ന മുഖ്യമന്ത്രിയുടെ അകമ്പടി വാഹനം ഇവരെ ഇടിച്ച് തെറിപ്പിക്കുകയായിരുന്നു
തിരുവനന്തപുരം : മുഖ്യമന്ത്രിയെ കരിങ്കൊടി കാണിക്കുന്നതിനിടെ അകമ്പടി വാഹനം ഇടിച്ച് രണ്ട് കോണ്‍ഗ്രസ് പ്രവര്‍ത്തകര്‍ക്ക് പരിക്ക്. തിരുവനന്തപുരം ബേക്കറി ജംഗ്ഷനിലാണ് സംഭവം. ശബരിമലയില്‍ യുവതികള്‍ പ്രവേശിച്ചതിനെ തുടര്‍ന്ന് യുഡിഎഫ് ഇന്ന് കരിദിനം ആചരിക്കുകയാണ്. ഇതിന്റെ പശ്ചാത്തലത്തില്‍ മുഖ്യമന്ത്രിയെ കരിങ്കൊടി കാണിക്കുന്നതിനായാണ് യൂത്ത് കോണ്‍ഗ്രസ് അടക്കമുള്ള യുഡിഎഫ് പ്രവര്‍ത്തകര്‍ ബേക്കറി ജംഗ്ഷനിലേക്ക് എത്തിയത്. കരിങ്കൊടി കാണിക്കുന്നതിനിടെ അമിത വേഗതയില്‍ പോകുകയായിരുന്ന മുഖ്യമന്ത്രിയുടെ അകമ്പടി വാഹനം ഇവരെ ഇടിച്ച് തെറിപ്പിക്കുകയായിരുന്നു. കൊല്ലം ഡിസിസി പ്രസിഡന്റ് ബിന്ദു കൃഷ്ണയുടെ ഭര്‍ത്താവ് അടക്കമുള്ളവര്‍ക്കാണ് പരിക്കേറ്റത്. ഇതില്‍ രാജീവിന്റെ പരിക്ക് ഗുരുതരമാണ്.