മലപ്പുറത്ത് കോളേജ് വിദ്യാർത്ഥി മുങ്ങി മരിച്ചു

മലപ്പുറം : കോളേജ് വിദ്യാർത്ഥി മുങ്ങി മരിച്ചു. മലപ്പുറം തിരൂർ സ്വദേശി സൽമാൻ ഫാരീസ്(20) കോഴിക്കോട് കോടഞ്ചേരിയിലെ പതങ്കയം വെള്ളച്ചാട്ടത്തിലാണ് മരിച്ചത്. കോഴിക്കോട് ഫാറൂഖ് കോളജിലെ ബിഎസ്‌സി വിദ്യാര്‍ഥിയാണ് സല്‍മാന്‍ ഫാരിസ്.

കോടഞ്ചേരിയിലെ നാരങ്ങാത്തോട് ഇരുവഴിഞ്ഞിപ്പുഴയിലാണ് പതങ്കയം വെള്ളച്ചാട്ടം. ആഴമേറിയ ഭാഗത്തും ചുഴികളിലുംപെട്ട് കഴിഞ്ഞവര്‍ഷം ഇവിടെ നിരവധി പേര് മരിച്ചിരുന്നു. ഇവിടെയെത്തുന്ന വിനോദസഞ്ചാരികളെ നിയന്ത്രിക്കാന്‍ ആരും ഇല്ലാത്തതാണ് അപകടങ്ങള്‍ പതിവാക്കുന്നത്.