സി കെ വിനീത് ഐ എസ് എല്‍ സീസണില്‍ ചെന്നൈ എഫ്സിക്ക് വേണ്ടി പന്തുതട്ടും
കേരള ബ്ലാസ്റ്റേഴ്സ് താരമായിരുന്ന വിനീതുമായി ചെന്നൈയിൻ എഫ് സി കരാർ ഒപ്പിട്ടു. ഔദ്യോഗിക പ്രഖ്യാപനം മറ്റന്നാൾ ഉണ്ടായേക്കും
ചെന്നൈ: ദേശീയ മലയാളിതാരം സി കെ വിനീത് ഐ എസ് എല്‍ സീസണില്‍ ഇനി ചെന്നൈഎഫ്സിക്ക് വേണ്ടി പന്തുതട്ടും. കേരള ബ്ലാസ്റ്റേഴ്സ് താരമായിരുന്ന വിനീതുമായി ചെന്നൈയിൻ എഫ് സി കരാർ ഒപ്പിട്ടു. ഔദ്യോഗിക പ്രഖ്യാപനം മറ്റന്നാൾ ഉണ്ടായേക്കും.ബ്ലാസ്റ്റേഴ്സ് നായകന്‍ സന്ദേശ് ജിങ്കനും മലയാളി താരം അനസ് എടത്തൊടികയും ഈ സീസണിൽ ബ്ലാസ്റ്റേഴ്‌സിൽ തുടരും. ഇവര്‍ മറ്റ് ടീമുകളുമായി ചര്‍ച്ച നടത്തിയെങ്കിലും വിജയിച്ചില്ല.
ഐ എസ് എല്‍ നടപ്പ് സീസണില്‍ പന്ത്രണ്ട് മത്സരങ്ങളില്‍ നിന്ന് 9 പോയിന്‍റ് മാത്രമുള്ള ബ്ലാസ്റ്റേഴ്സിന്‍റെ രണ്ടാം റൗണ്ട് സ്വപ്നങ്ങള്‍ അവസാനിച്ചിരുന്നു. ചെന്നൈയിനും സമാന അവസ്ഥയിലാണ്. പോയിന്‍റ് പട്ടികയില്‍ ചെന്നൈയ്ന്‍ അവസാന സ്ഥാനത്തും ബ്ലാസ്റ്റേഴ്സ് എട്ടാം സ്ഥാനത്തുമാണ്