ഭർത്താവിന് മദ്യം നൽകി മയക്കി ഭാര്യയെ ബി ജെ പി നേതാവ് ബലാത്സംഗം ചെയ്തു

ഭോപ്പാൽ: മധ്യപ്രദേശിൽ യുവതിയെ ബലാത്സംഗം ചെയ്തെന്ന പരാതിയിൽ ബിജെപി നേതാവ് അറസ്റ്റിൽ. അശോക് നഗർ ജില്ലയിലെ ബിജെപി മാധ്യമ വിഭാഗത്തിന്റെ ചുമതലയുള്ള ദേവേന്ദ്ര താമ്രാകറാണ് അറസ്റ്റിലായത്.താമ്രാകറിന്റെ കൃഷിയിടത്തിലെ പണിക്കാരായ ദമ്പതികളെ കൽക്കരിപ്പാടത്ത് ജോലി വാഗ്ദാനം ചെയ്ത് സിംഗ്രോളിയിൽ എത്തിക്കുകയായിരുന്നു. സിംഗ്രോളിൽ എത്തിയശേഷം ഭർത്താവിന് മദ്യം നൽകി മയക്കിയ ശേഷം കൽക്കരിഖനി കാണിക്കാമെന്ന് പറഞ്ഞ് ഒഴിഞ്ഞ സ്ഥലത്ത് കൊണ്ടുപോയി ബലാത്സംഗം ചെയ്തെന്നാണ് യുവതിയുടെ പരാതി. പൊലീസിൽ പരാതിപ്പെട്ടാൽ പ്രത്യാഘാതമുണ്ടാകുമെന്ന് ഇയാൾ ഭീഷണിപ്പെടുത്തിയതായും പരാതിയിൽ പറയുന്നു