വാറ്റുചാരായം കടത്തിയ ബി ജെ പി നേതാവിനെ പോലീസ് പിടികൂടി

ആലപ്പുഴ :ആലപ്പുഴയിൽ ബൈക്കിൽ ചാരായം കടത്തിയ ബിജെപി നേതാവിനെ അറസ്റ്റ് ചെയ്തു. ബിജെപിയുടെ ആലപ്പുഴ പുറക്കാട് പഞ്ചായത്ത് സൗത്ത് ഏരിയ പ്രസിഡന്റ് സുരേഷാണ് അറസ്റ്റിലായത്.മദ്യപിച്ചു ലക്കുകെട്ട് ബൈക്ക് ഓടിച്ചുവന്ന ഇയാളെ പോലീസ് തടഞ്ഞു നിർത്തി പരിശോധിച്ചപ്പോഴാണ് ഒളിപ്പിച്ചനിലയിൽ വ്യാജമദ്യം കണ്ടെത്തിയത്

ഇന്ന് ഉച്ചയ്ക്ക് ഒരു മണിയോടെയാണ് സംഭവം ബിജെപി പുറക്കാട് തെക്ക് ഏരിയ നേതാവ് തോട്ടപ്പള്ളി സുരേഷ് ഭവനില്‍ സുരേഷ് (37) ആണ് അമ്പലപ്പുഴ പൊലീസിന്റെ പിടിയിലായത്. തോട്ടപ്പള്ളിക്കു സമീപം കൊട്ടാര വളവില്‍ ദേശീയ പാതയോരത്തു നിന്നുമാണ് ഇയാളെ സിഐ ടി മനോജിന്റെ നേതൃത്വത്തിലുളള സംഘം അറസ്റ്റു ചെയ്തത്ബൈക്കില്‍ സഞ്ചരിക്കുകയായിരുന്ന സുരേഷ് നിയന്ത്രണം തെറ്റി നിലത്തു വീണു. ശബ്ദം കേട്ട് ഓടിക്കൂടിയ സമീപ വാസികള്‍ സുരേഷിനെ എഴുന്നേല്‍പ്പിക്കാന്‍ ശ്രമിച്ചെങ്കിലും ഇയാള്‍ അമിതമായി മദ്യപിച്ചിരുന്നതായി നാട്ടുകാര്‍ക്ക് മനസിലാക്കി. ഇയാള്‍ സഞ്ചരിച്ച കെ എല്‍ 29 സി 3248 നമ്പര്‍ ബൈക്കില്‍ നിന്ന് പ്ലാസ്റ്റിക് കുപ്പിയില്‍ നിറച്ച മദ്യവും കണ്ടെത്തിയതിനെ തുടര്‍ന്ന് നാട്ടുകാര്‍ വിവരം പൊലീസിനെ അറിയിക്കുകയായിരുന്നു.