ബിനീഷ് കോടിയേരിയുടെ കസ്റ്റഡി എന്ന അവസാനിക്കും ജാമ്യത്തിന് ശ്രമം

ബെംഗളൂരു: ബിനീഷ് കോടിയേരിയുടെ കസ്റ്റഡി കാലാവധി ഇ‍ന്ന് അവസാനിക്കും . ഉച്ചയോടെ വൈദ്യ പരിശോധന നടത്തി ബിനീഷിനെ കോടതിയിൽ ഹാജരാക്കും. കേന്ദ്ര ഏജൻസിയായിട്ടുള്ള എൻസിബിയും ബിനീഷിനെ കസ്റ്റഡിയിൽ ആവശ്യപ്പെട്ടെക്കും. അതേസമയം ബിനീഷിനെ കാണാൻ അനുവദിക്കാത്ത ഇ‍ഡി നടപടി ബിനീഷിന്റെ അഭിഭാഷകർ ഇന്ന് കോടതിയിൽ ഉന്നയിക്കും. ഇ ഡി കസ്റ്റഡിയിൽ ബിനീഷിനെ മര്ദിച്ചതായും വിവരമുണ്ട്.വൈദ്യപരിശോധനകൾക്ക് ശേഷമാണ് ഇന്നലെ ബിനീഷിനെ രാത്രി 9 മണിയോടെ ആശുപത്രിയിൽ നിന്നും രാത്രി താമസിക്കുന്ന സ്റ്റേഷനിലേക്ക് ബിനീഷിനെ മാറ്റിയത്. അതേസമയം നാല് ദിവസത്തെ കസ്റ്റഡി കാലാവധി തീരുന്ന സാഹചര്യത്തിൽ ബിനീഷ് കോടതിയിൽ ജാമ്യാപേക്ഷ സമർപ്പിക്കും. കസ്റ്റഡിയിൽ പീഡനമേറ്റെന്ന ബിനീഷിന്‍റെ പരാതിയും അഭിഭാഷകർ കോടതിയെ അറിയിക്കും. അന്വേഷണ പുരോഗതി സംബന്ധിച്ച് വിശദമായി റിപ്പോർട്ട് ഇഡി കോടതിയിൽ നൽകും. ഇഡിയുടെ നടപടികൾക്കെതിരെ കർണാടക ഹൈക്കോടതിയിലും ബിനീഷ് ഹർജി നൽകും.