ബിനീഷ് കോടിയേരിക്ക് ജാമ്യം
നാളെ ഒരുവര്‍ഷം തികയാനിരിക്കെയാണ് വ്യാഴാഴ്ച കര്‍ണാടക ഹൈകോടതി ജാമ്യം അനുവദിച്ചത്
മയക്കുമരുന്നുമായി ബന്ധപ്പെട്ട കള്ളപ്പണക്കേസില്‍ അറസ്റ്റിലായ സി.പി.എം മുന്‍ സംസ്ഥാന സെക്രട്ടറി കോടിയേരി ബാലകൃഷ്ണന്‍റെ മകന്‍ ബിനീഷ് ബിനീഷ് കോടിയേരിക്ക് ജാമ്യം. 2020 ഒക്ടോബര്‍ 29നായിരുന്നു ബിനീഷിന്‍റെ അറസ്റ്റ്. നാളെ ഒരുവര്‍ഷം തികയാനിരിക്കെയാണ് വ്യാഴാഴ്ച കര്‍ണാടക ഹൈകോടതി ജാമ്യം അനുവദിച്ചത്.
കര്‍ണാടക ഹൈക്കോടതിയാണ് ഉപാധികളോടെ ജാമ്യം അനുവദിച്ചത്. എന്‍സിബി സമര്‍പ്പിച്ച കുറ്റപത്രത്തില്‍ ബിനീഷ് കോടിയേരിയെ പ്രതി ചേര്‍ത്തിരുന്നില്ല. എന്‍സിബി പ്രതി ചേര്‍ക്കാത്തതുകൊണ്ട് എന്‍ഫോഴ്സ്മെന്‍റിന്‍റെ കേസ് നിലനില്‍ക്കില്ലെന്നായിരുന്നു ബിനീഷിന്‍റെ അഭിഭാഷകരുടെ വാദം. ഇഡി കുറ്റപത്രത്തില്‍ നാലാം പ്രതിയാണ് ബിനീഷ്.