കേരള അഡ്മിനിസ്‌ട്രേറ്റിവ് പരീക്ഷയില്‍ ചോദ്യങ്ങള്‍ അതേപടി പകര്‍ത്തിയെന്ന് ആരോപണം
കേരള അഡ്മിനിസ്‌ട്രേറ്റിവ് സര്‍വീസിലേക്ക് നടന്ന പ്രാഥമിക പരീക്ഷയില്‍ ചോദ്യങ്ങള്‍ സ്വകാര്യ പരിശീലന സ്ഥാപനങ്ങളുടെ ഗൈഡില്‍ നിന്ന് അതേപടി പകര്‍ത്തിയെന്ന് ആരോപണം.ചോദ്യപേപ്പര്‍ കോഡ് ‘എ’യില്‍ 63, 64, 66, 67, 69 നമ്ബര്‍ ചോദ്യങ്ങളുടെ പേരിലാണ് പരാതി. ഇതില്‍ 67ാമത്തെ ചോദ്യത്തില്‍ ഗൈഡിലുള്ള അക്ഷരത്തെറ്റുപോലും ചോദ്യപേപ്പറില്‍ ആവര്‍ത്തിച്ചിരിക്കുന്നുവെന്നത് പരാതിക്ക് ബലം പകരുന്നു. ജനറല്‍ സ്റ്റഡീസ് ഒന്നാം പേപ്പറിലെ അഞ്ച് ചോദ്യങ്ങള്‍ ഓപ്ഷനുകളില്‍ പോലും മാറ്റാം വരുത്താതെ പകര്‍ത്തിയെഴുതിയെന്നാണ് ഉദ്യോഗാര്‍ഥികള്‍ പറയുന്നത്.