സര്‍വര്‍ തകരാര്‍ പരിഹരിച്ചെന്നു എയര്‍ ഇന്ത്യ
എയര്‍ ഇന്ത്യ സര്‍വ്വീസുകൾ അനിശ്ചിതത്വത്തിലാകാൻ കാരണം സര്‍വര്‍ തകരാറാണെന്ന് വിശദീകരിച്ച് എയര്‍ ഇന്ത്യ. തകരാര്‍ പരിഹരിച്ചെന്നും മണിക്കൂറുകൾക്ക് അകം ആഭ്യന്തര അന്താരാഷ്ട്ര സര്‍വ്വീസുകൾ സാധാരണ നിലയിലാകുമെന്നുമാണ് അധികൃതരുടെ വിശദീകരണം.
ദില്ലി: എയര്‍ ഇന്ത്യ സര്‍വ്വീസുകൾ അനിശ്ചിതത്വത്തിലാകാൻ കാരണം സര്‍വര്‍ തകരാറാണെന്ന് വിശദീകരിച്ച് എയര്‍ ഇന്ത്യ. തകരാര്‍ പരിഹരിച്ചെന്നും മണിക്കൂറുകൾക്ക് അകം ആഭ്യന്തര അന്താരാഷ്ട്ര സര്‍വ്വീസുകൾ സാധാരണ നിലയിലാകുമെന്നുമാണ് അധികൃതരുടെ വിശദീകരണം. ഇന്ന് പുലര്‍ച്ചെ മൂന്നര മുതലുള്ള സര്‍വ്വീസുകളാണ് തടസപ്പെട്ടത്. ഇതോടെ ആഭ്യന്തര വിമാനത്താവളങ്ങളിലും അന്താരാഷ്ട്ര വിമാനത്താവളങ്ങളിൽ നിന്ന് എയര്‍ ഇന്ത്യയിൽ യാത്ര ചെയ്യേണ്ടവരുമെല്ലാം ദുരിതത്തിലായി. ഈ സാഹചര്യത്തിലാണ് അധികൃതര്‍ വിശദീകരണവുമായി എത്തിയത്.
ലോകമെമ്പാടുമുള്ള വിമാനത്താവളത്തിൽ കുടുങ്ങിക്കിടക്കുന്ന യാത്രക്കാരുടെ ചിത്രങ്ങൾ ഇതിനകം തന്നെ സോഷ്യൽ മീഡിയായിൽ വ്യാപകമായി പ്രചരിക്കുന്നുണ്ട്. യാത്രക്കിടയിലെ അനിശ്തിതത്വത്തിൽ യാത്രക്കാര്‍ക്കിടയിൽ വലിയ അസംതൃപ്തിയിലുമാണ്. സര്ഡവര്‍ തകരാര്‍ പരിഹരിച്ചെന്ന് എയര്‍ ഇന്ത്യ അവകാശപ്പെടുമ്പോഴും യാത്ര സംവിധാനം സാധാരണ നിലയിലാകാൻ ഇനിയും സമയമെടുക്കുമെന്നാണ് വിവരം