കോട്ടയത്ത് പീഡന ശ്രമം തടഞ്ഞ പെൺകുട്ടിയെ കൊന്ന് കുഴിച്ചിട്ടു ; പ്രതി പിടിയിൽ
വാഴത്തോട്ടത്തില്‍ കുഴിച്ചു മൂടിയ നിലയിലാണ് മൃതദേഹം കണ്ടെത്തിയത്. അരീപ്പറമ്പ് സ്വദേശിനിയായ 14കാരിയാണ് കൊല്ലപ്പെട്ടത്. പീഡന ശ്രമം തടഞ്ഞതിനാണ് പെൺകുട്ടിയെ കൊലപ്പെടുത്തിയതെന്ന് കരുതുന്നു.സംഭവത്തില്‍ പ്രതി മാലം സ്വദേശി അജീഷിനെ അയര്‍ക്കുന്നം പൊലീസ് അറസ്റ്റ് ചെയ്തു
കോട്ടയം : കോട്ടയം അരീപ്പറമ്പിൽ വിദ്യാര്‍ത്ഥിനിയെ കൊന്ന് കുഴിച്ചുമൂടിയ നിലയില്‍. അരീപ്പറമ്പ് ഹോളോ ബ്രിക്‌സ് ഫാക്ടറിയുടെ പിന്നിലെ വാഴത്തോട്ടത്തില്‍ കുഴിച്ചു മൂടിയ നിലയിലാണ് മൃതദേഹം കണ്ടെത്തിയത്. അരീപ്പറമ്പ് സ്വദേശിനിയായ 14കാരിയാണ് കൊല്ലപ്പെട്ടത്. പീഡന ശ്രമം തടഞ്ഞതിനാണ് പെൺകുട്ടിയെ കൊലപ്പെടുത്തിയതെന്ന് കരുതുന്നു.സംഭവത്തില്‍ പ്രതി മാലം സ്വദേശി അജീഷിനെ അയര്‍ക്കുന്നം പൊലീസ് അറസ്റ്റ് ചെയ്തു. കഴിഞ്ഞ വ്യാഴാഴ്ച മുതല്‍ പെണ്‍കുട്ടിയെ കാണാതായിരുന്നതായി ബന്ധുക്കള്‍ അയര്‍ക്കുന്നം പൊലീസില്‍ പരാതി നല്‍കിയിരുന്നു. തുടര്‍ന്ന് തിരച്ചില്‍ നടത്തി വരികയായിരുന്നു. ഇന്നു രാവിലെയാണ് കമ്പനിക്ക് പുറകിലെ വാഴച്ചുവട്ടില്‍ 2 ദിവസം പഴക്കമുള്ള മൃതദേഹം കണ്ടെത്തിയത്.
പെൺകുട്ടിയുടെ ഫോണ്‍കോളുകള്‍ കേന്ദ്രീകരിച്ച് നടത്തിയ അന്വേഷണം അജീഷിലേക്ക് എത്തിയതിനെ തുടര്‍ന്ന് ഇയാളെ കസ്റ്റഡിയിലെടുത്ത് ചോദ്യം ചെയ്യുകയായിരുന്നു. ഇതേ തുടര്‍ന്നാണ് പെണ്‍കൂട്ടിയെ കൊലപ്പെടുത്തി മൃതദേഹം ചാക്കിലാക്കി കുഴിച്ചുമൂടിയതായി ഇയാള്‍ പൊലീസിനോട് സമ്മതിച്ചത്. ഇയാളുമായി സ്ഥലത്തെത്തിയാണ് മൃതദേഹം കണ്ടെടുത്തത്.കോട്ടയം ഡി വൈ എസ് പി ഉൾപ്പെടെ സ്ഥലത്ത് എത്തി അന്വേഷണം ആരംഭിച്ചു