അതിർത്തിയിൽ നുഴഞ്ഞുകയറാൻ ശ്രമിച്ച പാക് തീവ്രവാദിയെ സൈന്യം വധിച്ചു
പാക് തീവ്രവാദിയെ സൈന്യം വധിച്ചു
![](https://indiavisionmedia.com/wp-content/themes/revive-publisher7-11-0/images/default-thumb/full.png)
.
ശ്രീനഗർ: ജമ്മുകാഷ്മീർ അതിർത്തിയിൽ നുഴഞ്ഞുകയറാൻ ശ്രമിച്ച പാക് തീവ്രവാദിയെ സൈന്യം വധിച്ചു. കാഷ്മീരിലെ കെരൻ സെക്ടറിലാണ് സംഭവം. കരസേനയും ബിഎസ്എഫും സംയുക്തമായാണ് നുഴഞ്ഞുകയറ്റ ശ്രമം പരാജയപ്പെടുത്തിയത്.
ഒരു സംഘം തീവ്രവാദികൾ പാക് അധിനിവേശ കാഷ്മീരിൽനിന്ന് കെരൻ സെക്ടറിലൂടെയാണ് നുഴഞ്ഞുകയറാൻ ശ്രമം നടത്തിയത്. കീഴടങ്ങാൻ സൈന്യം ആവശ്യപ്പെട്ടെങ്കിലും ഇവർ വെടിയുതിർത്തു. ഇതോടെ സൈന്യവും തിരിച്ചടിച്ചു. ഏറ്റുമുട്ടലിൽ ഒരു തീവ്രവാദി കൊല്ലപ്പെട്ടു. ഇയാളിൽനിന്നും എകെ47 തോക്കും മാഗസിനുകളും കണ്ടെടുത്തു.