86ാമത് ശിവഗിരി തീർത്ഥാടനം ഇന്ന്

വർക്കല :86ാമത് ശിവഗിരി തീർത്ഥാടനത്തിന് ഇന്ന്തുടക്കമാവും. രാവിലെ 10 മണിക്ക് ഗവർണ്ണർ പി.സദാശിവം ഉദ്ഘാടനം ചെയ്യും. ജനുവരി ഒന്നിന് തീർത്ഥാടനം സമാപിക്കും.ഗുരുദേവന്റെ കാൽപാടുകൾ പതിഞ്ഞ പുണ്യഭൂമിയിലേക്ക് ഇന്ന് തീർത്ഥാടകർ ഒഴുകിയെത്തും. അറിവ്, ആരോഗ്യം ,ആത്മീയത എന്നീ ഗുരുദേവ ആശയങ്ങള മുൻനിർത്തിയാണ് പരിപാടികൾ ഒരുക്കിയിട്ടുള്ളത്. 10,000 പേരെ ഉൾക്കൊള്ളാനാകുന്ന കൂറ്റൻ ഹാൾ സജ്ജമാക്കി.

കേരള ഗവർണ്ണറിന് പുറമെ മറ്റ് നാല് സംസ്ഥാനത്തെ ഗവർണ്ണർമാരും വിവിധ പരിപാടികളിൽ പങ്കെടുക്കും. ഗ്രീൻ പ്രോട്ടോക്കോൾ പാലിച്ചുകൊണ്ടാണ് തീർത്ഥാടനം. 30, 31,1 തിയതികളിൽ വർക്കലയിൽ പൊലീസ് ഗതാഗത നിയന്ത്രണം ഏർപ്പെടുത്തി.