സന്ദീപ് വാര്യരുടെ പരാമര്‍ശം; ചലച്ചിത്ര പ്രവര്‍ത്തകര്‍ക്കെതിരെയുള്ള ഭീഷണിയെന്ന് മന്ത്രി കെ.കെ ശൈലജ
യുവമോര്‍ച്ച സംസ്ഥാന സെക്രട്ടറിയായ സന്ദീപ് വാര്യരുടെ ഫേസ്ബുക്ക് പോസ്റ്റിനെതിരെ ഇതിനോടകം ഒരുപാട് പേര്‍ രംഗത്തെത്തിയിരുന്നു
പൗരത്വ പ്രക്ഷോഭത്തിനിറങ്ങിയ ചലച്ചിത്ര പ്രവര്‍ത്തകര്‍ക്കെതിരെയുള്ള സന്ദീപ് വാര്യരുടെ പരാമര്‍ശം ഭീഷണിയെന്ന് മന്ത്രി കെ കെ ശൈലജ. ടാക്സ് അടക്കാത്ത എല്ലാവരെയും പിടികൂടണം, എന്നാല്‍ പ്രകടനത്തിന് പോകുന്നവർ അനുഭവിക്കും എന്ന് പറയുന്നത് അസഹിഷ്ണുതയുടെ മറ്റൊരു ഭാവമാണെന്നും മന്ത്രി പറഞ്ഞു.
യുവമോര്‍ച്ച സംസ്ഥാന സെക്രട്ടറിയായ സന്ദീപ് വാര്യരുടെ ഫേസ്ബുക്ക് പോസ്റ്റിനെതിരെ ഇതിനോടകം ഒരുപാട് പേര്‍ രംഗത്തെത്തിയിരുന്നു. എന്നാല്‍ സന്ദീപ് വാര്യരുടെ പ്രതികരണം വ്യക്തിപരമാണെന്നും പാര്‍ട്ടിയുടെ നിലപാടല്ലെന്നും വ്യക്തമാക്കി ബി.ജെ.പി ജനറല്‍ സെക്രട്ടറി എം.ടി രമേശ് രംഗത്തെത്തിയിരുന്നു.