കോണ്‍ഗ്രസ് ബന്ധം വേണ്ട; നിലപാടിലുറച്ച് സി.പി.എം. കേരളഘടകം
കോണ്‍ഗ്രസുമായി തിരഞ്ഞെടുപ്പ് കൂട്ടുകെട്ടുകള്‍ വിലക്കുന്ന കരട് രാഷ്ട്രീയപ്രമേയത്തിലെ വാദഗതികളെ പിന്തുണച്ച് സി.പി.എം. സംസ്ഥാനസമിതി. ഹൈദരാബാദില്‍ ഏപ്രില്18-ന് ആരംഭിക്കുന്ന പാര്‍ട്ടി കോണ്‍ഗ്രസില്‍ അവതരിപ്പിക്കേണ്ട കരട് രാഷ്ട്രീയപ്രമേയത്തിന് കഴിഞ്ഞമാസമാണ് കേന്ദ്രകമ്മിറ്റി രൂപംനല്‍കിയത്.
എന്നാല്‍ കരട് പ്രമേയം സംബന്ധിച്ച് ഞായറാഴ്ച നടന്ന ചര്‍ച്ചയില്‍ കോണ്‍ഗ്രസുമായി കൂട്ടുകെട്ടു വേണമെന്ന അഭിപ്രായം ആരും പ്രകടിപ്പിച്ചില്ലെന്നാണ് സൂചന.ത്രിപുരയില്‍ സി.പി.എമ്മിനുണ്ടായ തിരിച്ചടിക്കുശേഷം കരട് പ്രമേയം സംബന്ധിച്ച് ഒരു പുനര്‍വിചിന്തനത്തിന് സി.പി.എം. തയ്യാറാകുമെന്ന ധാരണ പരന്നിരുന്നു.