കുവൈറ്റില് ബസുകള് തമ്മില് കൂട്ടിയിടിച്ച് 17മരണം
![](https://indiavisionmedia.com/wp-content/themes/revive-publisher7-11-0/images/default-thumb/full.png)
കുവൈറ്റ് സിറ്റി: കുവൈറ്റില് ബസുകള് തമ്മില് കൂട്ടിയിടിച്ച് 17 ലേറെ മരണം. വെസ്റ്റ് കുവൈറ്റിനടുത്ത് കബ്ദ് റോഡില് വെച്ചാണ് അപകടം ഉണ്ടായത്.
ബുര്ഗാന് ഡ്രില്ലിങ് കമ്പനിയുടെയും, ഹെയ്സ്കോ കമ്പനിയുടെയും തൊഴിലാളികള് സഞ്ചരിച്ച ബസുകള് തമ്മിലാണ് കൂട്ടിയിടിച്ചത്. ബുര്ഗാന് ഡ്രില്ലിങ് കമ്പനിയിലെ 15 പേരും, ഹെയ്സ്കോയിലെ രണ്ടു പേരും മരിച്ചതായാണ് വിവരം.
മരിച്ചവരില് രണ്ടു മലയാളികളും ഉള്പ്പെട്ടിട്ടുണ്ട്. കണ്ണൂര് ശ്രീകണ്ഠാപുരം സ്വദേശി സനീഷ്, കായകുളം കറ്റാനം സ്വദേശി രാധാകൃഷ്ണന് എന്നിവരെ തിരിച്ചറിഞ്ഞതായി അധികൃതര് അറിയിച്ചു. രണ്ടു പേരും ബുര്ഗാന് ഡ്രില്ലിങ് കമ്പനിയിലെ തൊഴിലാളികളാണ്.
ഇവരെക്കൂടാതെ മൂന്നു ഇന്ത്യക്കാരും മരിച്ചവരില്പ്പെടും. മറ്റുള്ളവര് പാകിസ്ഥാന്, ഈജിപ്ത് സ്വദേശികളാണ്. ഹെലികോപ്റ്റര്, ആംബുലന്സ് ഉള്പ്പടെയുള്ള സംവിധാനം ഉപയോഗിച്ച് രക്ഷാപ്രവര്ത്തനം തുടരുന്നു.