അപൂര്‍വ വൈറസ്(നിപ്പ) പടരുന്നു : 25 പേ​ർ നി​രീ​ക്ഷ​ണ​ത്തി​ൽ, ആ​റു പേര്‍ ​ഗു​രു​ത​രാ​വ​സ്ഥ​യി​ല്‍

അതിമാരക നിപ്പ വയറസ്സ് കോഴിക്കോട് മേഖലയിൽ പടരുന്നു കേരളം ആശങ്കയിൽ

പന്തിരിക്കര വൈറസ് പനിയുടെ പശ്ചാത്തലത്തില്‍ ആരോഗ്യ വകുപ്പ് പ്രതിരോധ പ്രവര്‍ത്തനങ്ങള്‍ ഊര്‍ജിതമാക്കി. കോഴിക്കോട് ടാസ്ക് ഫോഴ്സും കണ്‍ട്രോള്‍ റൂമും പ്രവര്‍ത്തനം ആരംഭിച്ചു. പക്ഷികള്‍ കടിച്ച പഴങ്ങള്‍ ഭക്ഷിക്കരുതെന്ന് മുന്നറിയിപ്പ് നല്‍കി. സോഷ്യല്‍ മീഡിയ വഴി നടക്കുന്ന പ്രചാരണങ്ങള്‍ തെറ്റാണെന്നും ഡോക്ടര്‍മാര്‍ പറഞ്ഞു.

കോ​ഴി​ക്കോ​ട്: പേരാമ്പ്രയിൽ പ​നി ബാ​ധി​ച്ച് ഒ​രു കു​ടും​ബ​ത്തി​ലെ മു​ന്നു​പേ​ർ മ​രി​ച്ച​തി​നു പി​ന്നാ​ലെ, 25 പേര്‍ക്കുകൂടി പനി ബാധിച്ചതായി സംശയം.ഇ​വ​രി​ൽ ആ​റു പേ​രു​ടെ നി​ല ഗു​രു​ത​ര​മാ​ണ്. പ​നി ബാ​ധി​ച്ച​വ​ർ നി​രീ​ക്ഷ​ണ​ത്തി​ലാ​ണ്. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ കൂ​ടു​ത​ൽ വെ​ന്‍റി​ലേ​റ്റ​റു​ക​ൾ സ്ഥാ​പി​ക്കാ​ൻ ആ​രോ​ഗ്യ​വ​കു​പ്പ് തീ​രു​മാ​നി​ച്ചു.

കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ആ​റു പേ​രും ര​ണ്ടു​പേ​ർ കോ​ഴി​ക്കോ​ട്ടെ​യും കൊ​ച്ചി​യി​ലെ​യും സ്വ​കാ​ര്യ ആ​ശു​പ​ത്രി​ക​ളി​ലു​മാ​ണ് പ​നി ബാ​ധി​ച്ച​വ​ർ ചി​കി​ത്സ​യി​ലു​ള്ള​ത്. ഇ​വ​രി​ൽ അ​ഞ്ചു​പേ​ർ ഒ​രേ പ്ര​ദേ​ശ​ത്തു​നി​ന്നു​ള്ള​വ​രാ​ണ്.

സം​സ്ഥാ​ന​ത്ത് ആ​ദ്യ​മാ​ണ് ഇ​ത്ത​രം വൈ​റ​സ്ബാ​ധ ക​ണ്ടെ​ത്തി​യ​ത്. നി​പാ വൈ​റ​സാ​ണ് രോ​ഗ​കാ​ര​ണ​മെ​ന്ന് സം​ശ​യി​ക്കു​ന്നു​ണ്ടെ​ങ്കി​ലും അ​ക്കാ​ര്യം സ്ഥി​രീ​ക​രി​ച്ചി​ട്ടി​ല്ല. ത​ല​ച്ചോ​റി​നെ ബാ​ധി​ക്കു​ന്ന പ്ര​ത്യേ​ക​ത​രം വൈ​റ​സാ​ണി​ത്. മ​ണി​പ്പാ​ലി​ലെ കെഎംസി വൈ​റോ​ള​ജി ഇ​ൻ​സ്റ്റി​റ്റ്യൂ​ട്ടി​ലേ​ക്ക​യ​ച്ച ര​ക്ത​സാ​ന്പി​ളു​ക​ളു​ടെ അ​ന്തി​മ​പ​രി​ശോ​ധ​നാ ഫ​ലം അ​റി​ഞ്ഞാ​ലേ രോ​ഗ​ത്ത​പ്പ​റ്റി സ്ഥി​രീ​ക​ര​ണം ന​ട​ത്താ​നാ​കൂ​വെ​ന്നാ​ണ് ആ​രോ​ഗ്യ​വ​കു​പ്പ് അ​റി​യി​ച്ച​ത്.

അ​തേ​സ​മ​യം, പേരാമ്പ്രയിൽ പ​നി​മ​ര​ണ​ത്തി​ൽ ആ​ശ​ങ്ക വേ​ണ്ടെ​ന്ന് ആ​രോ​ഗ്യ​മ​ന്ത്രി കെ.​കെ. ശൈ​ല​ജ പ​റ​ഞ്ഞി​രു​ന്നു. അ​പൂ​ർ​വ വൈ​റ​സ് ബാ​ധ ക​ണ്ടെ​ത്തി​യ സ്ഥ​ല​ത്ത് പ്ര​ത്യേ​ക മെ​ഡി​ക്ക​ൽ സം​ഘം ക്യാ​ന്പ് ചെ​യ്യു​ന്നു​ണ്ട്. സ​മൂ​ഹ​മാ​ധ്യ​മ​ങ്ങ​ളി​ലൂ​ടെ തെ​റ്റാ​യ പ്ര​ചാ​ര​ണം ന​ട​ത്ത​രു​തെ​ന്നും മ​ന്ത്രി അ​റി​യി​ച്ചു. പ​നി പ്ര​തി​രോ​ധി​ക്കാ​ൻ ജി​ല്ലാ​ത​ല ടാ​സ്ക് ഫോ​ഴ്സ് രൂ​പ​വ​ത്ക​രി​ക്കാ​ൻ ഉ​ന്ന​ത​ത​ല യോ​ഗ​ത്തി​ൽ തീ​രു​മാ​ന​മാ​യി​രു​ന്നു.