ശതകോടീശ്വരന്മാരിൽ ഹിന്ദുജ സഹോദരന്മാരും
![](https://indiavisionmedia.com/wp-content/themes/revive-publisher7-11-0/images/default-thumb/full.png)
ലണ്ടൻ: ബ്രിട്ടനിലെ ശതകോടീശ്വരന്മാരിൽ ഹിന്ദുജ സഹോദരന്മാർക്ക് രണ്ടാം സ്ഥാനം. ബ്രിട്ടനിലെ ധനികരുടെ വാർഷിക പട്ടികയിലാണ് ഹിന്ദുജ ഗ്രൂപ്പ് രണ്ടാം സ്ഥാനത്തേക്കു പിന്തള്ളപ്പെട്ടത്. കെമിക്കൽ സംരംഭകനായ ജിം റാറ്റ്ക്ലിഫാണ് ഒന്നാമത്. കഴിഞ്ഞ വർഷം 17-ാം സ്ഥാനത്തായിരുന്നു റാറ്റ്ക്ലിഫ്.
സൺഡേ ടൈംസ് റിച്ച് ലിസ്റ്റിൽ ശ്രീചന്ദ് ഹിന്ദുജ, ഗോപിചന്ദ് ഹിന്ദുജ എന്നിവർക്ക് 2064 കോടി പൗണ്ടാണ്( ഏകദേശം 1,65,000 കോടി രൂപ) ആസ്തി. അതേസമയം, റാറ്റ്ക്ലിഫിന് 2105 കോടി പൗണ്ട്( ഏകദേശം 1,68,000 കോടി രൂപ) ഉണ്ട്. വ്യവസായിയും മാധ്യമ ഉടമയുമായ സർ ലെൻ ബ്ലാവറ്റ്നിക് 1526 കോടി പൗണ്ടുമായി മൂന്നാം സ്ഥാനത്തെത്തി.
യുകെയിലെ 1000 ധനികരുടെ ഏറ്റവും പുതിയ പട്ടികയിൽ ഇന്ത്യൻവംശജരായ 47 പേരുണ്ട്. ഉരുക്കു വ്യവസായി ലക്ഷ്മി മിത്തൽ 1466 കോടി പൗണ്ടുമായി അഞ്ചാം സ്ഥാനത്തുണ്ട്.