ഗുസ്തി ചാമ്പ്യൻ സാഗർ റാണയുടെ കൊലപാതകം ഗുസ്തി താരം സുശീൽ കുമാർ അറസ്റ്റിൽ

ന്യൂഡൽഹി : ഇന്ത്യൻ ഗുസ്തി താരം സുശീൽ കുമാർ അറസ്റ്റിൽ. മുൻ ദേശീയ ജൂനിയർ ഗുസ്തി ചാമ്പ്യൻ സാഗർ റാണയുടെ കൊലപാതകവുമായി ബന്ധപ്പെട്ടാണ് ഡൽഹി പോലീസ് സുശീൽ കുമാറിനെ അറസ്റ്റ് ചെയ്തത്. പഞ്ചാബിലെ ജലഝറിൽ നിന്നാണ് ഇയാൾ പിടിയിലായതെന്ന് പോലീസ് അറിയിച്ചു..സുശീൽ കുമാറിന് കേസിൽ അറസ്റ്റിലായ അജയ് കുമാറുമായി പങ്കുള്ളതായി പോലീസ് അറിയിച്ചു. മെയ് 4 ന് ഡൽഹിയിലെ ഛത്രസാൽ സ്റ്റേഡിയത്തിൽ വെച്ച് രണ്ട് ഗ്രൂപ്പുകൾ തമ്മിൽ വഴക്കുണ്ടാകുകയായിരുന്നു. വാടക വീട് ഒഴിയുന്നതുമായി ബന്ധപ്പെട്ടാണ് തർക്കം നടന്നത് എന്നാണ് വിവരം. ഇവരുടെ വീട്ടിൽ നിന്നും തോക്കും കണ്ടെത്തിയിരുന്നു. സംഭവത്തിൽ സുശീൽ കുമാറിന്റെ പേര് പുറത്ത് വന്നതോടെ താരം ഒളിവിൽ പോയി

#WATCH | A team of Delhi Police Special Cell arrested Wrestler Sushil Kumar; visuals from Saket Police Station.

(Source: Delhi Police) pic.twitter.com/tauURqxvC2

— ANI (@ANI) May 23, 2021

തുടർന്ന് ഡൽഹി ഹൈക്കോടതി ഇയാൾക്കെതിരെ ജാമ്യമില്ലാ വാറന്റ് പുറപ്പെടുവിക്കുകയായിരുന്നു. സുശീൽ കുമാറിനായുള്ള ലുക്ക് ഔട്ട് നോട്ടീസും ഡൽഹി പോലീസ് പുറത്തിറക്കിയിരുന്നു. സുശീൽ കുമാറിനെക്കുറിച്ചുള്ള വിവരങ്ങൾ നൽകുന്നവർക്ക് ഒരു ലക്ഷം രൂപയാണ് പോലീസ് പ്രഖ്യാപിച്ചത്. ഇന്ത്യൻ റെയിൽവെയിൽ പ്രവർത്തിക്കുന്ന സുശീൽ കുമാറിന് ഛത്രസാൽ സ്റ്റേഡിയത്തിൽ സ്‌പെഷ്യൽ ഡ്യൂട്ടി നൽകിയിരുന്നു.