നല്ലതിനെ പിന്തുണയ്ക്കും തെറ്റുകളെ നിയമസഭയില്‍ ചൂണ്ടിക്കാണിക്കും വി ഡി സതീശൻ
ഇനി കഠിനാധ്വാനത്തിന്റെ നാളുകള്‍, കാലത്തിനനുസരിച്ച് രീതികള്‍ മാറ്റുമെന്ന് സതീശന്‍. സര്‍ക്കാരിനെ വെല്ലുവിളിക്കാനില്ല, മഹാമാരിയുടെ കാലത്ത് സര്‍ക്കാരിനൊപ്പമുണ്ടാകും. നല്ലതിനെ പിന്തുണയ്ക്കും തെറ്റുകളെ നിയമസഭയില്‍ ചൂണ്ടിക്കാണിക്കും. പാര്‍ട്ടിയിലെ ഗ്രൂപ്പ് പ്രശ്നമല്ല,
തിരുവനന്തപുരം:യുഡിഎഫിനെയും കോണ്‍ഗ്രസിനെയും തിരിച്ചുകൊണ്ടുവരുമെന്ന് വി.ഡി.സതീശന്‍.പറഞ്ഞു ” ഇത് പുഷ്പകിരീടമല്ല. ഇനി കഠിനാധ്വാനത്തിന്റെ നാളുകള്‍, കാലത്തിനനുസരിച്ച് രീതികള്‍ മാറ്റുമെന്ന് സതീശന്‍. സര്‍ക്കാരിനെ വെല്ലുവിളിക്കാനില്ല, മഹാമാരിയുടെ കാലത്ത് സര്‍ക്കാരിനൊപ്പമുണ്ടാകും. നല്ലതിനെ പിന്തുണയ്ക്കും തെറ്റുകളെ നിയമസഭയില്‍ ചൂണ്ടിക്കാണിക്കും. പാര്‍ട്ടിയിലെ ഗ്രൂപ്പ് പ്രശ്നമല്ല, എല്ലാവരും പിന്തുണയ്ക്കുമെന്ന് സതീശന്‍ വ്യ്കതമാക്കി
കോൺഗ്രസിലെ പുതുതലമുറയിലെ എംഎൽഎമാരിൽ ഏറ്റവും മികവ് പുലർത്തുന്ന സാമാജികരിൽ ഒന്നാമനാണ് പറവൂരിൽ നിന്ന് അഞ്ചാം തവണയും ജയിച്ചു കയറിയ വി ഡി സതീശൻ. സാമ്പത്തിക വിഷയങ്ങൾ സമർത്ഥമായി കൈകാര്യം ചെയ്യാനുള്ള തന്റെ കഴിവ് അദ്ദേഹം പലതവണ തെളിയിച്ചിട്ടുള്ളതാണ്. ഏതു വിഷയവും ആഴത്തിൽ പഠിച്ച് സമർത്ഥമായി നിയമസഭയിലും പുറത്തും അവതരിപ്പിക്കാനുള്ള കഴിവ് തന്നെയാണ് അദ്ദേഹത്തെ വ്യത്യസ്തനാക്കുന്നത്. 56 കാരനായ വി ഡി സതീശൻ പ്രതിപക്ഷ നേതാവായി വരുമ്പോൾ, വലിയൊരു തിരിച്ചുവരവ് സ്വപ്നം കാണുകയാണ് കോണ്‍ഗ്രസ് പ്രവർത്തകരും.