ട്രെയിനിന്‍റെ എസി കോച്ചുകളില്‍ നിന്ന് പുതപ്പും കര്‍ട്ടനും ഒഴിവാക്കുമെന്ന് റെയില്‍വേ
കോച്ച്‌ ഫിറ്റിംഗുകള്‍ നല്ലരീതിയില്‍ വൃത്തിയാക്കാന്‍ കേന്ദ്ര സര്‍ക്കാര്‍ റെയില്‍വേ ഉദ്യോഗസ്ഥര്‍ക്ക് നിര്‍ദേശം നല്‍കി
ന്യൂഡല്‍ഹി: കോവിഡ്-19 വൈറസ് ബാധയെ തുടര്‍ന്ന് ട്രെയിനിന്‍റെ എസി കോച്ചുകളില്‍ നിന്ന് പുതപ്പും കാബിനുകള്‍ മറയ്‌ക്കാനുപയോഗിച്ചിരുന്ന കര്‍ട്ടനും ഒഴിവാക്കുമെന്ന് റെയില്‍വേ. ട്രെയിനുകളിലെ ബെഡ്ഷീറ്റുകള്‍, ടവലുകള്‍, തലയിണ കവറുകള്‍ എന്നിവ ഉള്‍പ്പെടെ എല്ലാം ദിവസവും കഴുകണമെന്നും സെന്‍ട്രല്‍, വെസ്റ്റേണ്‍ റെയില്‍വേ ഉത്തരവിട്ടു.ഓരോ ദിവസവും ആയിരക്കണക്കിന് യാത്രക്കാര്‍ സ്പര്‍ശിക്കുന്നതിനാല്‍ കോച്ച്‌ ഫിറ്റിംഗുകള്‍ നല്ലരീതിയില്‍ വൃത്തിയാക്കാന്‍ കേന്ദ്ര സര്‍ക്കാര്‍ റെയില്‍വേ ഉദ്യോഗസ്ഥര്‍ക്ക് നിര്‍ദേശം നല്‍കി.
അതേസമയം, യാത്രക്കാര്‍ക്ക് സ്വന്തം താല്‍പര്യപ്രകാരം പുതപ്പ് കൊണ്ടുവരാമെന്നും റെയില്‍വേ അറിയിച്ചു. എന്തെങ്കിലും അത്യാവശ്യത്തിനുവേണ്ടി മാത്രമായി ചില പുതപ്പുകള്‍ ട്രെയിനില്‍ സൂക്ഷിക്കുമെന്നും അധികൃതര്‍ അറിയിച്ചു.