അറബിക്കടലിൽ അപകടത്തിൽപ്പെട്ട് തീപിടിച്ച എംവി വാൻഹായ് 503 കപ്പലിലെ തീ നിയന്ത്രണവിധേയമാകാനാകില്ല കാപ്പൽ കത്തി നശിച്ചേക്കും
കോസ്റ്റ് ഗാർഡ് ഷിപ്പുകൾക്ക് തീപിടിത്തമുണ്ടായ കപ്പലിന് അടുത്തേക്ക് അടുക്കാൻ സാധിക്കുന്നില്ല. കപ്പലിലെ കണ്ടെയ്നറുകൾ കടലിലേക്ക് വീഴുന്നുവെന്ന വിവരമാണ് പുറത്തുവരുന്നത്
കോഴിക്കോട് | അറബിക്കടലിൽ അപകടത്തിൽപ്പെട്ട് തീപിടിച്ച എംവി വാൻഹായ് 503 കപ്പലിലെ തീ നിയന്ത്രണ വിധേയമാക്കാനായില്ലെന്ന് റിപ്പോർട്ട്. കപ്പൽ കത്തിയമരുന്നുവെന്നആശങ്ക നിലനിൽക്കുകയാണ് കൂടുതൽ കണ്ടേനറുകളിലേക്ക് തീ പടരുകയാണ്. കോസ്റ്റ് ഗാർഡ് ഷിപ്പുകൾക്ക് തീപിടിത്തമുണ്ടായ കപ്പലിന് അടുത്തേക്ക് അടുക്കാൻ സാധിക്കുന്നില്ല. കപ്പലിലെ കണ്ടെയ്നറുകൾ കടലിലേക്ക് വീഴുന്നുവെന്ന വിവരമാണ് പുറത്തുവരുന്നത്.വാന് ഹായ് 503 ചരക്കുകപ്പലില് ഉള്ള വസ്തുക്കളുടെ വിവരങ്ങള് പുറത്തുവന്നിട്ടുണ്ട് 150ലധികം കണ്ടെയ്നറുകളില് അപകടകരമായ വസ്തുക്കള് ഉള്ളതായാണ് വിവരം. ഇവയില് പലതും അതിവേഗം തീപിടിക്കാവുന്ന ദ്രവപദാര്ത്ഥങ്ങളാണ്. ശ്വസിച്ചാല് അപകടകരമാകുന്ന നിരവധി വസ്തുക്കളും കണ്ടെയ്നറിലുണ്ട്. കടല്വെള്ളം കയറിയാല് പൊട്ടിത്തെറിക്കുന്ന വസ്തുക്കളും കണ്ടെയ്നറില് ഉള്ളതായാണ് വിവരം.
അപകടത്തിൽപ്പെട്ടവരെ നാവികസേന കപ്പലായ ഐഎൻഎസ് സൂറത്തിലേക്ക് മാറ്റിയിരിക്കുകയാണ്. ഗുരുതരമായി പരിക്കേറ്റവരെ ഹെലികോപ്റ്റർ മാർഗം മംഗലാപുരത്ത് എത്തിക്കാനല്ല ശരം തുടരുന്നു . പരിക്കേറ്റവരെല്ലാം നിലവിലുള്ളത് ഐഎൻഎസ് സൂറത്തിലാണ്.
ചരക്ക് കപ്പലിലുണ്ടായിരുന്ന ക്യാപ്റ്റനടക്കം 18 പേരെ രക്ഷപ്പെടുത്തി. 22 പേരാണ് കപ്പലിലുണ്ടായിരുന്നത്. നാലുപേരെ കാണാതായിട്ടുണ്ട്. പരിക്കേറ്റവരില് രണ്ട് പേരുടെ നില അതീവ ഗുരുതരമായി തുടരുകയാണ്
157 കണ്ടെയ്നറുകളിൽ അപകടകരമായ വസ്തുക്കളുണ്ടെന്നാണ് വിവരം. 1 തീപിടിക്കാവുന്ന ഖര-ദ്രാവക പദാര്ത്ഥങ്ങള്
റെസിന് സൊല്യൂഷന്, പെയിന്റ്, ടര്പ്പെന്റൈന് ഉള്പ്പടെയുള്ളവ- ചെറിയ തീപ്പൊരിയോ സ്റ്റാറ്റിക് ചാര്ജ്ജോ പോലും അപകട സാധ്യതയുണ്ടാക്കും. 32 ഡിഗ്രിയില് കൂടുതല് താപനിലയുണ്ടായാലും അപകടം
2. വിഷ പദാര്ത്ഥങ്ങള്
ഡൈമീതെല് സള്ഫേറ്റ്, ഈതൈല് ക്ലോറോഫോര്മേറ്റ്, ഡൈക്ലോറോ മീതൈല് തുടങ്ങിയവ-ഇത്തരം പദാര്ത്ഥങ്ങള് ശ്വസിച്ചാല് ശ്വാസകോശത്തെ ഗുരുതരമായി ബാധിക്കും. അപസ്മാരമുണ്ടാകാനുള്ള സാധ്യതയുണ്ട്. മരണം വരെ സംഭവിക്കാം. ഇതിള് ഉള്പ്പെടുന്നത് ക്ലാസ് 6.1 വിഭാഗത്തിലുള്ള വിഷവസ്തുക്കളാണ്. പല രാജ്യങ്ങളും നിരോധിച്ച വിഷവസ്തുക്കളാണിവ.
3. പാരിസ്ഥിതിക ആഘാതമുണ്ടാകുന്ന പദാര്ത്ഥങ്ങള്
ട്രൈക്ലോറോ ബെന്സീന്, സിങ്ക് ഓക്സൈഡ്, ഫോസ്ഫേറ്റ് ചെയ്ത എസ്റ്ററുകള് തുടങ്ങിയവ- ഇത് സമുദ്ര സമ്പത്തിനെ ദോഷകരമായി ബാധിക്കും. ചെറിയ ചോര്ച്ച പോലും സമുദ്രത്തില് വലിയ ആഘാതമുണ്ടാക്കു. മത്സ്യ സമ്പത്തിനെ ഉള്പ്പടെ ദോഷകരമായി ബാധിക്കും.
4. ജലവും വായുവുമായി ചേര്ന്നാല് അപകടകരം
ഓര്ഗണോ മെറ്റാലിക് പൈറോഫോറിക്സ്- അന്തരീക്ഷത്തില് ജ്വലിക്കുന്ന പദാര്ത്ഥം. തീയണയ്ക്കുക അതീവ ദുഷ്കരമാക്കും. കടല് ജലവുമായി ചേര്ന്നാല് സ്ഫോടനംവരെ സംഭവിക്കാം.
5. പൊള്ളല് സാധ്യതയുള്ള പദാര്ത്ഥങ്ങള്
മലീക് ആന്ഹൈഡ്രൈഡ്, ഫോസ്ഫോറിക് ആസിഡ്, മെതാക്രൈലിക് ആസിഡ്, പോളിമൈന്സ്- സ്പര്ശിച്ചാല് പൊള്ളലേല്ക്കാം. ചോര്ച്ചയുണ്ടെങ്കില് കപ്പലിനെ വരെ ദുര്ബ്ബലമാക്കാന് തീവ്രശേഷി.
6. ചൂടേറ്റാല് അപകട സാധ്യതയുള്ള വസ്തുക്കള്
ആല്ക്കഹോള് അടങ്ങിയ നൈട്രോ സെല്ലുലോസ്- ചൂട്, വൈബ്രേഷന്, അന്തരീക്ഷ താപനില തുടങ്ങിയവ അപകട സാധ്യത കൂട്ടും.
അഴീക്കലിനും ബേപ്പൂരിനുമിടയിൽ അന്തർദേശീയ കപ്പൽ പാതയിലാണ് ചരക്ക് കപ്പലിൽ തീപിടിത്തവും പൊട്ടിത്തെറിയുണ്ടായത്. രാവിലെ ഒൻപതരയോടെയാണ് കൊളംബോയിൽ നിന്ന് നവി മുംബൈയിലേക്ക് പോയ സിംഗപ്പൂർ കപ്പലിൽ അപകടമുണ്ടായത്.ബിഎസ്എം എന്ന കമ്പനിക്കായിരുന്നു കപ്പലിന്റെ നടത്തിപ്പ് ചുമതല. ഈ കമ്പനിയുമായും ഷിപ്പിംഗ് മന്ത്രാലയം ബന്ധപ്പെടുന്നുണ്ട്. ചൈന മ്യാന്മാര്, ഇന്തോനേഷ്യ, തായ്ലാൻഡ് പൗരന്മാരായിരുന്നു കപ്പലിൽ ഉണ്ടായിരുന്നത്.