വാളയാർ ആള്ക്കൂട്ടകൊലപാതകത്തിലെ പ്രതികളില് ഒരാള് കോണ്ഗ്രസ് പ്രവർത്തകനെന്ന് സ്പെഷ്യല് ബ്രാഞ്ച് റിപ്പോർട്ട്.
തദ്ദേശ തെരഞ്ഞെടുപ്പ് സമയത്ത് കോണ്ഗ്രസില് ചേർന്ന അട്ടപ്പള്ളം സ്വദേശി വിനോദാണ് പ്രതിപട്ടികയില് ഉള്പ്പെട്ടിരിക്കുന്നത്
പാലക്കാട്: വാളയാർ ആള്ക്കൂട്ടകൊലപാതകത്തിലെ പ്രതികളില് ഒരാള് കോണ്ഗ്രസ് പ്രവർത്തകനെന്ന് സ്പെഷ്യല് ബ്രാഞ്ച് റിപ്പോർട്ട്. തദ്ദേശ തെരഞ്ഞെടുപ്പ് സമയത്ത് കോണ്ഗ്രസില് ചേർന്ന അട്ടപ്പള്ളം സ്വദേശി വിനോദാണ് പ്രതിപട്ടികയില് ഉള്പ്പെട്ടിരിക്കുന്നത്. കൊല്ലപ്പെട്ട ഛത്തീസ്ഗഢ് ബിലാസ്പൂര് സ്വദേശി രാംനാരായണിനെ നേരിട്ട് ആക്രമിച്ച ഏഴ് പേരെയാണ് പൊലീസ് ഇതുവരെ അറസ്റ്റ് ചെയ്തിരിക്കുന്നത്. ഇവരില് ആദ്യം പിടിയിലായ അഞ്ച് പേരെ നിലവില് റിമാന്ഡ് ചെയ്തിരിക്കുകയാണ്. ഇതിന് പിന്നാലെയാണ് ഇന്നലെ വിനോദ്, ജഗദീഷ് എന്നിവരെകൂടി പിടികൂടിയിരിക്കുന്നത്.
വാളയാർ ആൾക്കൂട്ട കൊലപാതകം; സ്ത്രീകൾക്കും പങ്കെന്ന് നിഗമനം, ആക്രമണത്തിൽ 15 പേർക്ക് പങ്കെന്ന് പൊലീസ്സ്പെഷ്യല് ബ്രാഞ്ച് നടത്തിയ അന്വേഷണത്തിലാണ് വിനോദിന്റെ രാഷ്ട്രീയ പശ്ചാത്തലം പുറത്ത് വന്നിരിക്കുന്നത്. വിനോദ് മുന്പ് സിപിഎം അനുഭാവിയായിരുന്നുവെന്നാണ് ബിജെപി ഉള്പ്പെടെ ആരോപിക്കുന്നത്. തദ്ദേശ തെരഞ്ഞെടുപ്പ് സമയത്ത് കോണ്ഗ്രസില് ചേർന്ന വിനോദ് പാർട്ടിയുടെ സജീവ പ്രവർത്തകനായി മാറുകയും ചെയ്തു. കോണ്ഗ്രസ് പ്രവർത്തകനായിരിക്കെയാണ് വിനോദും രാംനാരായണിനെ ക്രൂരമായി ആക്രമിച്ചിരിക്കുന്നതെന്നാണ് സ്പെഷ്യല് ബ്രാഞ്ച് റിപ്പോർട്ട്.