9 മണിക്കൂർ നീണ്ട ചോദ്യം ചെയ്യൽസ്വപ്നയ്ക്കൊപ്പം ശിവശങ്കർ വിട്ടയച്ചു 

കൊച്ചി : മുൻ പ്രിന്‍സിപ്പല്‍ സെക്രട്ടറി എം.ശിവശങ്കറിനെ എൻഐഎ ചോദ്യം ചെയ്യുന്നത് പൂർത്തിയായി. മൂന്നാം തവണയാണ് എൻഐഎ ശിവശങ്കറിനെ ചോദ്യം ചെയ്തത്. ഒൻപത് മണിക്കൂർ നീണ്ട ചോദ്യം ചെയ്യൽ രാത്രി 8.15ഓടെയാണ് അവസാനിച്ചത്. സ്വർണക്കടത്ത് കേസ് രണ്ടാം പ്രതി സ്വപ്ന സുരേഷിനെ ഒപ്പമിരുത്തിയാണ് എൻഐഎ ചോദ്യം ചെയ്തത്. ചോദ്യം ചെയ്യലിന് ശേഷം കൊച്ചി എൻഐഎ ഓഫിസിൽ നിന്നും ശിവശങ്കർ മടങ്ങി.

അന്വേഷണ സംഘം ആവശ്യപ്പെട്ടതനുസരിച്ച് രാവിലെ 11 മണിക്കാണ് ശിവശങ്കർ എൻഐഎയുടെ കടവന്ത്ര ഗിരിനഗറിലുള്ള ഓഫിസിലെത്തിയത്. തൊട്ടു പിന്നാലെ സ്വപ്ന സുരേഷിനെയും അന്വേഷണ സംഘം ചോദ്യം ചെയ്യലിനായി ഓഫിസിലെത്തിക്കുകയായിരുന്നു.നേരത്തെ മൂന്നു ദിവസങ്ങളിലായി രണ്ടു തവണ ചോദ്യം ചെയ്തിട്ടും ക്ലീൻ ചിറ്റ് നൽകാതിരുന്ന എം. ശിവശങ്കറിനെ കേസിൽ പ്രതി ചേർക്കണോ എന്നത് ഈ ചോദ്യം ചെയ്യലിന്റെ അടിസ്ഥാനത്തിലായിരിക്കും തീരുമാനിക്കു