ശബരിമല സ്വര്ണ്ണക്കൊള്ള തിരുവിതാംകൂര് ദേവസ്വം ബോര്ഡ് മുൻ പ്രസിഡന്റ് എ പത്മകുമാറിന് വീണ്ടും നോട്ടീസ്
നേരത്തെ ഹാജരാകാന് ആവശ്യപ്പെട്ടിരുന്നുവെങ്കിലും പത്മകുമാര് അത് ചെയ്യിരുന്നില്ല.എസ്ഐടി കസ്റ്റഡിയിലുള്ള മുന് ശബരിമല എക്സിക്യൂട്ടീവ് ഓഫീസര് സുധീഷ് കുമാറിനെ ഇന്ന് കോടതിയില് ഹാജരാക്കും. പത്തനംതിട്ട മജിസ്ട്രേറ്റ് കോടതിയിലാണ് ഹാജരാക്കുക.
തിരുവനന്തപുരം| ശബരിമല സ്വര്ണ്ണക്കൊള്ള കേസില് മുന് തിരുവിതാംകൂര് ദേവസ്വം ബോര്ഡ് പ്രസിഡന്റ് എ പത്മകുമാറിന് വീണ്ടും നോട്ടീസയച്ച് പ്രത്യേക അന്വേഷണ സംഘം. ചോദ്യം ചെയ്യലിന് അടിയന്തരമായി ഹാജരാകാന് ആവശ്യപ്പെട്ടാണ് നോട്ടീസ്. പത്മകുമാറിന്റെ മുന് പ്രൈവറ്റ് സെക്രട്ടറിയെ ചോദ്യം ചെയ്തതായി സൂചനയുണ്ട്. രണ്ടാം തവണയാണ് പത്മകുമാറിന് നോട്ടീസയക്കുന്നത്. നേരത്തെ ഹാജരാകാന് ആവശ്യപ്പെട്ടിരുന്നുവെങ്കിലും പത്മകുമാര് അത് ചെയ്യിരുന്നില്ല.എസ്ഐടി കസ്റ്റഡിയിലുള്ള മുന് ശബരിമല എക്സിക്യൂട്ടീവ് ഓഫീസര് സുധീഷ് കുമാറിനെ ഇന്ന് കോടതിയില് ഹാജരാക്കും. പത്തനംതിട്ട മജിസ്ട്രേറ്റ് കോടതിയിലാണ് ഹാജരാക്കുക. ജാമ്യം അനുവദിക്കണമെന്ന് ആവശ്യപ്പെട്ട് റിമാന്റിലുള്ള മുരാരി ബാബു നല്കിയ ജാമ്യ അപേക്ഷ പിന്നീട് റാന്നി മജിസ്ട്രേറ്റ് കോടതി പരിഗണിക്കും. അറസ്റ്റിലായ തിരുവിതാംകൂര് ദേവസ്വം മുന് പ്രസിഡന്റ് എന് വാസു റിമാന്ഡില്. കൊട്ടാരക്കര ജയിലേക്ക് മാറ്റിയ പ്രതിക്കായി കസ്റ്റഡി അപേക്ഷ ഉടന് സമര്പ്പിക്കും.
അതേ സമയം ശബരിമല സ്വര്ണക്കൊള്ളക്കേസില് അറസ്റ്റിലായ മുന് ദേവസ്വം ബോര്ഡ് പ്രസിഡന്റ് എന് വാസുവിനെ റിമാന്ഡ് ചെയ്തു. ഈ മാസം 24 വരെയാണ് റിമാന്ഡ് ചെയ്തത്. വാസുവിനെ പത്തനംതിട്ടയില് നിന്നും കൊട്ടാരക്കര സബ് ജയിലിലേക്ക് കൊണ്ടുപോകും. കസ്റ്റഡി അപേക്ഷ പിന്നീട് സമര്പ്പിക്കും. വാസുവിനെതിരെ ഗുരുതര കാര്യങ്ങളാണ് റിമാന്ഡ് റിപ്പോര്ട്ടില് ചേര്ത്തിരിക്കുന്നത്.