നെടുങ്കണ്ടം കസ്റ്റഡി കൊലപാതകം; അറസ്റ്റിലായ ആറ് പേര്‍ക്കും ഇടക്കാല ജാമ്യം
അഞ്ച് പൊലീസുകാര്‍ക്കും ഒരു ഹോം ഗാര്‍ഡിനുമാണ് ഇടക്കാല ജാമ്യം
കൊച്ചി: നെടുങ്കണ്ടം കസ്റ്റഡി കൊലപാതക കേസില്‍ ഇന്ന് അറസ്റ്റിലായ ആറ് പേര്‍ക്കും ഇടക്കാല ജാമ്യം. അഞ്ച് പൊലീസുകാര്‍ക്കും ഒരു ഹോം ഗാര്‍ഡിനുമാണ് ഇടക്കാല ജാമ്യം അനുവദിച്ചത്. എഎസ്‌ഐമാരായ റെജിമോന്‍, റോയി പി വര്‍ഗീസ്, പൊലീസുകാരായ ജിതിന്‍ കെ ജോര്‍ജ്. സഞ്ജീവ് ആന്റണി, നിയാസ്, ഹോം ഗാര്‍ഡ് ജയിംസ് എന്നിവരാണ് അറസ്റ്റിലായത്. ഇവരുടെ ജാമ്യാപേക്ഷയില്‍ നാളെ കോടതിയില്‍ വാദം കേള്‍ക്കും. കൊച്ചി സി ജെ എം കോടതിയാണ് ഇവര്‍ക്ക് ഇടക്കാല ജാമ്യം അനുവദിച്ചത്.