അമ്മയും മകളും ചേർന്ന് ഒരുകുടംബത്തിലെ അഞ്ചുപേരെ കൊന്നു

പെന്‍സില്‍വാനിയ: മൂന്നു കുട്ടികള്‍ ഉള്‍പ്പെടെ ഒരു കുടുംബത്തിലെ അഞ്ചുപേര്‍ കൊല്ലപ്പെട്ട കേസ്സില്‍ ഷാന ഡിക്രി(45), മകള്‍ ഡൊമിനിക്ക് ഡിക്രി(19) എന്നിവരെ പോലീസ് അറസ്റ്റു ചെയ്തു. ബക്‌സ് കൗണ്ടി ഡിസ്ട്രിക്റ്റ് അറ്റോര്‍ണി ഓഫീസ് ഫെബ്രുവരി 26 ചൊവ്വാഴ്ച അറിയിച്ചതാണിത്. 9 വയസ്സു മുതല്‍ 42 വയസ്സുവരെയുള്ള അഞ്ചുപേരുടെ മൃതദേഹങ്ങളാണ് ഇവര്‍ താമസിച്ചിരുന്ന അപ്പോര്‍ട്ടുമെന്റില്‍ നിന്നും തിങ്കളാഴ്ച പോലീസ് കണ്ടെടുത്തത്.

അറസ്റ്റിലായ രണ്ടുപേര്‍ ഉള്‍പ്പെടെ 7 പേരും ഒരുമിച്ചു ആത്മഹത്യ ചെയ്യാന്‍ തീരുമാനിച്ചതായിരുന്നുവെന്ന് ഷാന പോലീസിനോട് പറഞ്ഞു.ഷാനയുടെ രണ്ടു മക്കള്‍ നാ ഐറ സ്മരിത്ത്(25), ഡാമന്‍ ഡിക്രി(13), ഷാനയുടെ സഹോദരി ജാമില്ല കാംമ്പല്‍(42), ജാമില്ലായുടെ രണ്ടു ഇരട്ട പെണ്‍കുട്ടികള്‍ ഇമാനി(9), എറിക്ക്(9) എന്നിവരാണ് കൊല്ലപ്പെട്ടത്.