കഠിനംകുളം പീഡന കേസില്‍ മുഖ്യപ്രതി ഓട്ടോഡ്രൈവര്‍ നൗഫല്‍ പിടിയില്‍
കൂട്ടബലാത്സംഗഈ കേസിലെ ഏറ്റവും പ്രധാനപ്പെട്ട പ്രതിയാണ് നൌഫല്‍. യുവതിയുടെ മൊഴി പ്രകാരം യുവതിയെ ഏറ്റവും ക്രൂരമായി അക്രമിച്ചത് നൌഫലാണ്.
കഠിനംകുളം കൂട്ടബലാത്സംഗ കേസില്‍ മുഖ്യപ്രതി നൗഫല്‍ പൊലീസ് പിടിയില്‍. കഠിനംകുളം ചാന്നാങ്കരയിലെ സ്വന്തം വീട്ടില്‍ ഒളിവില്‍ താമസിക്കെയാണ് ഇയാള്‍ പിടിയിലായത്.കൂട്ടബലാത്സംഗഈ കേസിലെ ഏറ്റവും പ്രധാനപ്പെട്ട പ്രതിയാണ് നൌഫല്‍. യുവതിയുടെ മൊഴി പ്രകാരം യുവതിയെ ഏറ്റവും ക്രൂരമായി അക്രമിച്ചത് നൌഫലാണ്. യുവതിയെ ആദ്യം ആക്രമിച്ചതും നൌഫലാണ്. കേസിലെ മറ്റൊരു പ്രതി രാജന്‍റെ വീട്ടില്‍ നിന്ന് യുവതിയെ കുറ്റിക്കാട്ടിലേക്ക് ഓട്ടോയിലേക്ക് തട്ടിക്കൊണ്ടുപോയത് നൌഫലിന്റെ നേതൃത്വത്തിലാണ്. മറ്റു പ്രതികളെല്ലാം തന്നെ നൌഫലിനെതിരെ മൊഴി നല്‍കുകയും ചെയ്തിരുന്നു. യുവതിയുടെ മുഖത്ത് നിരവധി മുറിവുകളുണ്ട്. ഇതില്‍ കടിച്ച പാടുകളുണ്ട്, നഖം കൊണ്ടുണ്ടായ മുറിവുകളുണ്ട്. കണ്ണ് അടികൊണ്ട് കലങ്ങിയിരുന്നു.. ഇതെല്ലാം ചെയ്തത് നൌഫലാണ് എന്നായിരുന്നു യുവതിയുടെ മൊഴി.
സംഭവത്തിൽ ഗൂഡാലോചനയുള്ളതുകൊണ്ട് യുവതിയുടെ ഭര്‍ത്താവാണ് ഒന്നാം പ്രതിയാവുക. അതുകൊണ്ടുതന്നെ നൌഫല്‍ രണ്ടാം പ്രതിയാകും. പ്രതികളുടെ മൊബൈൽ ഫോൺ ഉൾപ്പെടെയുള്ള ശാസ്ത്രീയ തെളിവുകൾ ശേഖരിക്കുകയാണ് പൊലീസിൻറെ അടുത്ത നടപടി.അറസ്റ്റിലായ ആറ് പ്രതികളെയും ഇന്നലെ ആറ്റിങ്ങൾ ജൂഡീഷ്യൽ മജിസ്ട്രേറ്റ് കോടതി റിമാൻഡ് ചെയ്തിരുന്നു. പതിനാല് ദിവസത്തേക്ക് റിമാൻഡ് ചെയ്ത പ്രതികളെ കാരക്കോണം മെഡിക്കൽ കോളേജിലെ പ്രത്യേക നിരീക്ഷണ കേന്ദ്രത്തിലേക്ക് മാറ്റി. പ്രതികൾക്ക് കോവിഡ് ഇല്ലെന്ന് ഉറപ്പുവരുത്തിയ ശേഷം ആറ്റിങ്ങൽ സബ്‍ജയിലിലേക്ക് മാറ്റും