ഹമാസ് കേന്ദ്രങ്ങളിൽ വീണ്ടും ഇസ്രായേൽ വ്യോമാക്രമണം

ഹമാസ് കേന്ദ്രങ്ങളിൽ വീണ്ടും ഇസ്രായേൽ വ്യോമാക്രമണം.ഗസ്സയിൽ നിന്നും ബലൂൺ ബോംബ് ആക്രമണമുണ്ടായതിന് തിരിച്ചടിച്ചതാണെന്നാണ് ഇസ്രായേൽ വാദം. ഗസ്സയുടെ പടിഞ്ഞാറൻ ഭാഗത്തും വടക്കേ മുനമ്പിലുമാണ് അക്രമണമുണ്ടായതെന്ന് അൽ ജസീറ റിപ്പോർട്ട് ചെയ്തു. ഇസ്രായേലിലേക്ക് ബലൂൺ ബോംബ് ആരാണ് അയച്ചതെന്ന് വ്യക്തമല്ലെങ്കിലും ഹമാസ് ആണെന്നാണ് ഇസ്രായേൽ വാദം.വ്യാഴാഴ്ച ഗസ്സയിൽ നിന്നുള്ള ബലൂൺ ബോംബ് പതിച്ച് ഇസ്രായേലിലെ എഷ്‌കോൾ മേഖലയിൽ തീപിടുത്തമുണ്ടായിരുന്നു. ഇതിനു മറുപടിയെന്നോണം വെള്ളിയാഴ്ച പുലർച്ചെ വ്യോമാക്രമണം നടത്തിയിരുന്നു.