ഹത്രാസ് ഇരയുടെ ബന്ധുക്കൾ കോടതിയിൽ മൊഴിനൽകി , കേസ് യു പി ക്ക് വെളിയിൽ വിചാരണ ചെയ്യണമെന്ന് മാതാപിതാക്കൾ
കോടതിയിൽ ഹാജരായ പെൺകുട്ടിയുടെ കുടുംബത്തോട് ജസ്റ്റിസ് രാജൻ റോയ്, ജസ്റ്റിസ് ജസ്പ്രീത് സീംഗ് എന്നിവ‍ർ കാര്യങ്ങൾ ചോദിച്ചറിഞ്ഞു
ലക്നൗ: ഹാത്രസ് കൊലപാതകത്തിൽ പെൺകുട്ടിയുടെ കുടുംബം അലഹാബാദ് കോടതിയുടെ ലക്നൗ ബഞ്ചിലെത്തി ഹത്രാസിൽ പെൺകുട്ടിയെ കൂട്ടബലാത്സംഗം ചെയ്ത കൊലപ്പെടുത്തിയ സംഭവത്തിൽ കേസിൽ ലക്നൗ ബെഞ്ച് കേസെടുത്തിരുന്നു.
കോടതിയിൽ ഹാജരായ പെൺകുട്ടിയുടെ കുടുംബത്തോട് ജസ്റ്റിസ് രാജൻ റോയ്, ജസ്റ്റിസ് ജസ്പ്രീത് സീംഗ് എന്നിവ‍ർ കാര്യങ്ങൾ ചോദിച്ചറിഞ്ഞു. കേസിൻ്റെ വിചാരണ ഉത്തർപ്രദേശിന് പുറത്തേക്ക് മാറ്റണമെന്ന് കുടുംബം ആവശ്യപ്പെട്ടു. ഡൽഹിയിലേക്കോ മുംബൈയിലേക്കോ മാറ്റണം എന്നാണ് കുടുംബത്തിൻ്റെ ആവശ്യം.ഹത്രാസ് സംഭവത്തിൽ ഉത്ത‍ർപ്രദേശ് സ‍ർക്കാരിൽ നിന്നും നേരത്തെ ഹൈക്കോടതി വിശദീകരണം തേടിയിരുന്നു.
ഉത്ത‍ർപ്രദേശ് ചീഫ് സെക്രട്ടറി, ഡിജിപി, എഡിജിപി എന്നിവരോട് നേരിട്ട് കോടതിയിൽ ഹാജരായി വിശദീകരണം നൽകാനും ആവശ്യപ്പെട്ടിരുന്നു. ഇതുവരെ നടത്തിയ അന്വേഷണത്തിൻ്റെ വിശദാംശങ്ങളുമായി കോടതിയിലെത്താൻ ഹത്രാസ് ജില്ലാ മജിസ്ട്രേറ്റിനോടും ജില്ലാ പൊലീസ് മേധാവിയോടും കോടതി നി‍ർദേശിച്ചിട്ടുണ്ട്. ഉന്നത ഉദ്യോഗസ്ഥരെല്ലാം ഇന്നു ഹൈക്കോടതിയിൽ എത്തിയിരുന്നു