ഫുട്ബോള് ഇതിഹാസം ലയണല് മെസിയും സംഘവും കേരളത്തിലെത്തും. അര്ജന്റീന ഫുട്ബോള് അസോസിയേഷന്
കേരളത്തിലേത് കൂടാതെ മറ്റൊരു മത്സരം അംഗോളയിലായിരിക്കും. അര്ജന്റീന ഫുട്ബോള് അസോസിയേഷന് തങ്ങളുടെ ഔദ്യോഗിക സോഷ്യല് മീഡിയ ഹാന്ഡിലുകളിലൂടെയാണ് കേരളത്തിലെ മെസ്സി ആരാധകരെ ഏറെ സന്തോഷിപ്പിക്കുന്ന പ്രഖ്യാപനം നടത്തിയിരിക്കുന്നത്.
കൊച്ചി | അനിശ്ചിതത്വങ്ങള്ക്കൊടുവില് കേരളത്തിലെ ഫുട്ബോള് ആരാധകരെ ആവേശം കൊള്ളിക്കുന്ന പ്രഖ്യാപനവുമായി അര്ജന്റീന ഫുട്ബോള് അസോസിയേഷന്. മെസ്സിപ്പട കേരളത്തിലെത്തുമെന്ന് അര്ജന്റീന ഫുട്ബോള് അസോസിയേഷന് ഔദ്യോഗികമായി പ്രഖ്യാപിച്ചു. ടീമിന്റെ നവംബറിലെ ഒരു മത്സരം കേരളത്തിലുണ്ടാകുമെന്നാണ് പ്രഖ്യാപനം.
നവംബര് 10 മുതല് 18വരെയുള്ള ദിവസങ്ങളിലാണ് അര്ജന്റീന ടീമിന്റെ കേരള സന്ദര്ശനം
കായികവകുപ്പ് മന്ത്രി വി അബ്ദുറഹ്മാനും വാര്ത്ത സ്ഥിരീകരിച്ചിട്ടുണ്ട്. സൗഹൃദ മത്സരം തിരുവനന്തപുരം ഗ്രീന്ഫീല്ഡ് സ്റ്റേഡിയത്തില് ആകാനാണ് സാധ്യത. നവംബറില് രണ്ട് മത്സരങ്ങള് ഉണ്ടെന്നാണ് അര്ജന്റീന ഫുട്ബോള് അസോസിയേഷന് അറിയിച്ചിരിക്കുന്നത്. കേരളത്തിലേത് കൂടാതെ മറ്റൊരു മത്സരം അംഗോളയിലായിരിക്കും. അര്ജന്റീന ഫുട്ബോള് അസോസിയേഷന് തങ്ങളുടെ ഔദ്യോഗിക സോഷ്യല് മീഡിയ ഹാന്ഡിലുകളിലൂടെയാണ് കേരളത്തിലെ മെസ്സി ആരാധകരെ ഏറെ സന്തോഷിപ്പിക്കുന്ന പ്രഖ്യാപനം നടത്തിയിരിക്കുന്നത്.
2011 സെപ്റ്റംബറിലാണ് മെസി ഇതിന് മുമ്പ് ഇന്ത്യയിലെത്തിയത്. അന്ന് കൊൽക്കത്ത സാൾട്ട്ലേക്ക് സ്റ്റേഡിയത്തിൽ വെനസ്വേലക്കെതിരെ അര്ജന്റീന കുപ്പായത്തില് സൗഹൃദ മത്സരത്തിലും ലയണൽ മെസി കളിച്ചിരുന്നു. അര്ജന്റീന നായകനായുള്ള മെസിയുടെ അരങ്ങേറ്റ മത്സരം കൂടിയായിരുന്നു ഇത്. നേരത്തെ, അര്ജന്റീന ടീമിന്റെ കേരള സന്ദര്ശനത്തിൽ കേരള സര്ക്കാരിനെതിരെ അര്ജന്റീന ഫുട്ബോള് അസോസിയേഷൻ രംഗത്തെത്തിയതിന് പിന്നാലെ രാഷ്ട്രീയ വിവാദവും ഉടലെടുത്തിരുന്നു