കോട്ടയത്തു ആയുധ ശേഖരവുമായി ബി ജെ പി പ്രാദേശിക നേതാവ് ഉള്‍പ്പടെ 5 പേര്‍ അറസ്റ്റില്‍
കോട്ടയത്തെ ബിജെപിയുടെ പ്രാദേശിക നേതാവാണ് വിജയനെയും കൂട്ടാളികളെയുമാണ് പോലീസ് അറസ്റ്റ് ചെയ്തത്
കോട്ടയം: പള്ളിക്കത്തോട്ടില്‍ തോക്കുകളുമായി ബിജെപി പ്രാദേശിക നേതാവ് ഉള്‍പ്പടെ 5 പേര്‍ അറസ്റ്റില്‍. കോട്ടയത്തെ ബിജെപിയുടെ പ്രാദേശിക നേതാവാണ് വിജയനെയും കൂട്ടാളികളെയുമാണ് പോലീസ് അറസ്റ്റ് ചെയ്തത്.പ്രതികളില്‍ പലരും ആയുധം കൈവശംവച്ചതിന് ഇതിനു മുന്‍പും അറസ്റ്റിലായവരാണ്. അറസ്റ്റിലായ 5 പേരെയും റിമാന്‍ഡ് ചെയ്തു. ഇവര്‍ക്കെതിരെ ആംസ് ആക്‌ട്, അനധികൃതമായി ആയുധ നിര്‍മ്മാണം എന്നീ വകുപ്പുകള്‍ പ്രകാരം കേസ് എടുത്തു.
വിജയനെ ഇന്നലെ രാത്രി പള്ളിക്കത്തോട് പോലീസ് അറസ്റ്റ് ചെയ്തു. ഇയാളുടെ വീട്ടില്‍ നിന്നാണ് പത്ത് തോക്കുകള്‍ കണ്ടെടുത്തത്. ഇയാളെ കൂടുതല്‍ ചോദ്യം ചെയ്തപ്പോഴാണ് മറ്റ് നാല് പേരുടെ പങ്ക് ബോധ്യപ്പെട്ടത്. കൊമ്ബിലാക്കല്‍ ബിനേഷ്‌കുമാര്‍, രതീഷ് ചന്ദ്രന്‍, ആനിക്കാട് രാജന്‍, ആനിക്കാട് തട്ടാംപറമ്ബില്‍ മനേഷ്‌കുമാര്‍ എന്നിവരാണ് പിടിയിലായ മറ്റുള്ളവര്‍.
ഇവരില്‍ നിന്നും റിവോള്‍വറുകള്‍, തോക്ക് നിര്‍മിക്കാനാവശ്യമായ സാമഗ്രികള്‍, പല തരം തോക്കുകളുടെ മോഡലുകള്‍, വ്യാജ വെടിയുണ്ടകള്‍ നിര്‍മ്മിക്കുന്നതിനാവശ്യമായ സാമഗ്രികള്‍, 50 ഓളം ഇരുമ്ബുവടികള്‍ എന്നിവയും പിടിച്ചെടുത്തു.