വിദ്യാർഥികൾക്കായി ടോക്ക് ഷോ ഒരുക്കി സി.പി.ഐ(എം) കോന്നിതാഴം ലോക്കൽ കമ്മറ്റി

കോന്നി:-ലോക്ക് ഡൌൺ കാലത്ത് വീടിനുള്ളിൽ ഇരിക്കേണ്ടി വരുന്ന വിദ്യാർഥികൾക്കായി ടോക്ക് ഷോ ഒരുക്കി സി.പി.ഐ(എം)കോന്നിതാഴം ലോക്കൽ കമ്മറ്റി.അസാധാരണമായ സാഹചര്യത്തിലൂടെ കടന്നു പോകുന്ന കുട്ടികളുടെ മാനസിക സമ്മർദ്ദം കുറയ്ക്കുന്നതിനും,അവരുടെ ആശങ്കകളും അഭിപ്രായങ്ങളും പങ്ക് വയ്ക്കുന്നതിനുമായാണ് ടോക്ക് ഷോ സംഘടിപ്പിച്ചിരിക്കുന്നത്.

നിറം എന്ന് പേരിട്ടിരിക്കുന്ന ടോക്ക് ഷോയിലേക്ക് വാട്സാപ്പിൽ വാട്സാപ്പിൽ വീഡിയോ കോളിലൂടെ വിളിക്കുന്ന വിദ്യാർഥികൾക്ക് അവരുടെ കലാപരമായ കഴിവുകൾ പ്രകടിപ്പിക്കുന്നതിനൊപ്പം പതിനൊന്നു ചോദ്യങ്ങൾക്ക് ഉത്തരം നൽകി വിജയികളാവുകയും ചെയ്യാം.ടോക്ക് ഷോയിലേക്ക് വിളിക്കുന്ന കുട്ടികളോട് സംവദിക്കുന്നതും വിദ്യാർഥികൾ തന്നെയായിരിക്കും.ലോക്ക് ഡൌൺ അവസാനിക്കുന്ന 14-ാം തീയതി വരെ രാവിലെ 10 മുതൽ വൈകുന്നേരം 4 വരെ കുട്ടികൾക്ക് ടോക്ക് ഷോയിലേക്ക് 8075906917 നമ്പറിൽ വിളിക്കാം. ഓരോ ദിവസത്തെയും വിജയികളെ വൈകുന്നേരം 5 മണിയ്ക്ക് ലോക്കൽ കമ്മറ്റിയുടെ ഫേസ്അക്കൗണ്ടിലൂടെ പ്രഖ്യാപിക്കും.വിജയികൾക്കുള്ള ക്യാഷ് പ്രൈസ് രക്ഷിതാക്കളുടെ ബാങ്ക് അക്കൗണ്ടിലേക്ക് ഓൺലൈനായി ട്രാൻസ്ഫർ ചെയ്തു നൽകും.നാളെ രാവിലെ 10 മണിയ്ക്ക് ആദ്യം വിളിക്കുന്ന വിദ്യാർഥിയുമായി സംവദിച്ചു കൊണ്ട് അഡ്വ.കെ.യു ജെനീഷ് കുമാർ എം.എൽ.എ ടോക്ക് ഷോയുടെ ഉദ്ഘാടനം നിർവഹിക്കുമെന്ന് ലോക്കൽ കമ്മറ്റി സെക്രട്ടറി ജിജോ മോഡി അറിയിച്ചു.