സംസ്ഥാനത്ത് ഇന്ന് 26 പേർക്ക് കോവിഡ്
ഇടുക്കിയിൽ കോവിഡ് സ്ഥികരിച്ചത് കരുണാപുരം പഞ്ചായത്തിലെ പുറ്റടിയിൽ ബേക്കറി നടത്തുന്ന 39കാരനാണ്
സംസ്ഥാനത്ത് ഇന്ന് 26 പേർക്ക് കോവിഡ്. ഇതില്‍ 14 പേര്‍ പുറത്ത് നിന്ന് വന്നവരാണ്. 11 പേര്‍ക്ക് സമ്പര്‍ക്കത്തിലൂടെയാണ് പകര്‍ന്നത്.മൂന്ന് പേരാണ് രോഗമുക്തി നേടിയത്.മൂന്നു പേര്‍ക്ക് നെഗറ്റീവായി. കാസര്‍കോട്ട് 10 പേര്‍ക്കും മലപ്പുറത്ത് അഞ്ച് പേര്‍ക്കും പാലക്കാട്, വയനാട് ജില്ലകളില്‍ 3 പേര്‍ക്കും കണ്ണൂരില്‍ രണ്ടു പേര്‍ക്കും പത്തനംതിട്ട, ഇടുക്കി, കോഴിക്കോട് ജില്ലകളില്‍ ഓരോരുത്തര്‍ക്കും രോഗബാധ സ്ഥിരീകരിച്ചു.ഇടുക്കിയിൽ കോവിഡ് സ്ഥികരിച്ചത് കരുണാപുരം പഞ്ചായത്തിലെ പുറ്റടിയിൽ ബേക്കറി നടത്തുന്ന 39കാരനാണ്
കാസർകോട് രോഗം സ്ഥിരീകരിച്ച 2 പേർ ആരോഗ്യപ്രവർത്തകരാണ്. 36,910 പേർ ഇപ്പോൾ നിരീക്ഷണത്തിലുണ്ട്. ഇതിൽ 36,266 പേർ വീടുകളിലും 568 പേർ ആശുപത്രിയിലുമാണുള്ളത്. കേരളത്തിൽ ഇതുവരെ രോഗം സ്ഥിരീകരിച്ചത് 560 പേർക്കാണ്. ഇതിൽ 64 പേർ ഇപ്പോൾ ചികിത്സയിലുണ്ട്. സംസ്ഥാനത്തെ ഹോട്സ്പോട്ടുകളുടെ എണ്ണം 15 ആയി കുറഞ്ഞു. കൊറോണ വൈറസ് ഒരിക്കലും ഇല്ലാതാകില്ലെന്നാണ് ലോകാരോഗ്യ സംഘടന നൽകുന്ന മുന്നറിയിപ്പ്. വാക്സിന്റെ അഭാവത്തിൽ എച്ച്.ഐ.വിയെപ്പോലെ തന്നെ ലോകത്ത് നിലനിൽക്കുമെന്നും പറയുന്നു.
