ബി ജെ പി ഒരു കോടി പുതിയ വോട്ടർമാരെ മഹാരാഷ്രയിൽ ചേർത്തു.രാഹുൽ ഗാന്ധി
ഒരു കോടി പുതിയ വോട്ടർമാരെ മഹാരാഷ്രയിൽ ചേർത്തു. ഉന്നയിച്ച സംശയങ്ങൾക്ക് മറുപടി നൽകുന്നില്ല. കള്ള വോട്ടുകൾകൊണ്ടാണ് ബി ജെ പി ജയിക്കുന്നത്
പാറ്റ്ന | വോട്ടര് പട്ടിക ക്രമക്കേടിനും, ബിഹാറിലെ വോട്ടര് പട്ടിക പരിഷ്ക്കരണത്തിനുമെതിരെ രാഹുല് ഗാന്ധിയും തേജസ്വി യാദവും നയിക്കുന്ന വോട്ടര് അധികാര് യാത്രക്ക് തുടക്കമായി. ബിഹാറിലെ സസാറമില് നിന്നാണ് യാത്ര തുടങ്ങിയത്. സംസ്ഥാനത്തെ 13 സ്ഥലങ്ങളിലൂടെ കടന്ന് പോകുന്ന യാത്ര സെപ്റ്റംബര് ഒന്നിന് പാറ്റ്നയില് സമാപിക്കും. യാത്രയിലുട നീളം കേന്ദ്രസര്ക്കാരിനെയും, തെരഞ്ഞെടുപ്പ് കമ്മീഷനെടയും കൂടുതല് തുറന്ന് കാട്ടാനാണ് തീരുമാനം. ഇന്ത്യ സഖ്യം നേതാക്കളും യാത്രയില് അണിനിരക്കും.
ഭരണഘടനയെ സംരക്ഷിക്കാനുള്ള യുദ്ധമാണിതെന്ന് രാഹുൽ ഗാന്ധി പറഞ്ഞു. വോട്ട് മോഷണ ആരോപണം അദ്ദേഹം ആവർത്തിച്ചു. ഒരു കോടി പുതിയ വോട്ടർമാരെ മഹാരാഷ്രയിൽ ചേർത്തു. ഉന്നയിച്ച സംശയങ്ങൾക്ക് മറുപടി നൽകുന്നില്ല. കള്ള വോട്ടുകൾകൊണ്ടാണ് ബി ജെ പി ജയിക്കുന്നത്.സിസിടിവി ദൃശ്യങ്ങൾങ്ങളോ,മറ്റ് ഡിജിറ്റൽ തെളിവുകളോ കമ്മീഷൻ നൽകുന്നില്ല ബിഹാർ ജനത വോട്ട് മോഷണം അനുവദിക്കില്ല.ബിഹാറിൽ മാത്രമല്ല അസമിലും, മഹാരാഷ്ട്രയിലും,ബംഗാളിലുമൊക്കെ വോട്ട് മോഷണം നടന്നുവെന്നും അദ്ദേഹം കൂട്ടിച്ചേര്ത്തു
നിയമസഭാ തെരഞ്ഞെടുപ്പ് മുന്നില് കണ്ട് ബിഹാറില് ധൃതി പിടിച്ച് വോട്ടര് പട്ടിക പുനഃപരിശോധിച്ച നടപടിക്കെതിരെ വ്യാപക പ്രതിഷേധമായിരുന്നു ഉയര്ന്നത്. നടപടിയിലൂടെ പൗരത്വ രജിസ്റ്റര് ഒളിച്ചു കടത്താനാണ് ബിജെപി ശ്രമിക്കുന്നതെന്നാണ് ഉയര്ന്ന ആരോപണം. ഇതിന് പുറമേ വോട്ടര്മാരെ വ്യാപകമായി പുറന്തള്ളാന് ബിജെപി സര്ക്കാര് ശ്രമിക്കുന്നതായും പ്രതിപക്ഷം ആരോപിച്ചിരുന്നു. പുനഃപരിശോധനാ നടപടിയിലൂടെ 65 ലക്ഷത്തോളം പേരായിരുന്നു ഇത്തരത്തില് വോട്ടര് പട്ടികയില് നിന്ന് പുറത്തായത്. ഇതിനെതിരെ സുപ്രീംകോടതി രംഗത്തെത്തിയിരുന്നു. വോട്ടര് പട്ടികയില് നിന്ന് പുറത്തായവര് ആരൊക്കെ, എന്തുകൊണ്ട് പുറത്താക്കി എന്നതടക്കമുള്ള കാര്യങ്ങള് തെരഞ്ഞെടുപ്പ് കമ്മീഷന് വ്യക്തമാക്കണമെന്ന് സുപ്രീംകോടതി കര്ശമ നിര്ദേശം നല്കിയിരുന്നു.