യൂത്ത്കോൺഗ്രസിന്റെ ആംബുലന്സ് തടഞ്ഞുള്ള സമരത്തില് രോഗി മരിച്ചതായി ആരോപണം. വിതുര സ്വദേശിയായ ആദിവാസി യുവാവ് ബിനുവാണ് മരിച്ചത്
20 മിനിട്ടോളം ആംബുലൻസ് തടഞ്ഞുനിർത്തിയായിരുന്നു പ്രതിഷേധം. രോഗിയുടെ അവസ്ഥ പറയാൻ ശ്രമിച്ച ആശുപത്രി അധികൃതരോടും പ്രതിഷേധക്കാർ തട്ടിക്കയറി. എന്നാൽ പ്രതിഷേധങ്ങളെല്ലാം കഴിഞ്ഞ് മെഡിക്കൽ കോളജിൽ എത്തിച്ചതിന് പിന്നാലെ ബിനു മരിച്ചു.
തിരുവനന്തപുരം | ആംബുലന്സ് തടഞ്ഞുള്ള സമരത്തില് രോഗി മരിച്ചതായി ആരോപണം. വിതുര സ്വദേശിയായ ആദിവാസി യുവാവ് ബിനുവാണ് മരിച്ചത്. ആംബുലന്സ് യൂത്ത് കോണ്ഗ്രസ് പ്രവര്ത്തകര് തടഞ്ഞതായാണ് ആരോപണം. ഇന്നലെ വൈകിട്ട് വിതുര താലൂക്ക് ആശുപത്രിയിലാണ് യൂത്ത് കോണ്ഗ്രസ് സമരം നടന്നത്.ഇന്ന് പുലര്ച്ചെ തിരുവനന്തപുരം മെഡിക്കല് കോളേജ് ആശുപത്രിയിലാണ് യുവാവ് മരിച്ചത്. സംഭവത്തില് മെഡിക്കല് ഓഫീസര് വിതുര പൊലീസില് പരാതി നല്കിയിട്ടുണ്ട്. ഫിറ്റ്നസ്സ് ഇല്ലാത്ത ആംബുലന്സ് മാറ്റണമെന്ന് ആവശ്യപ്പെട്ടായിരുന്നു യൂത്ത് കോണ്ഗ്രസ് സമരം നടത്തിയത്. എന്നാൽ രോഗിയുമായി പോയ ആംബുലന്സ് തടഞ്ഞിട്ടില്ലെന്നാണ് യൂത്ത് കോണ്ഗ്രസ് പറയുന്നത്.
ആത്മഹത്യയ്ക്ക് ശ്രമിച്ച ബിനുവിനെ ഉച്ചയോടെ വിതുര താലൂക്ക് ആശുപത്രിയിൽ എത്തിച്ചെങ്കിലും പ്രാഥമിക ചികിത്സയ്ക്കുശേഷം മെഡിക്കൽ കോളജിലേക്ക് കൊണ്ടുപോകാൻ ശ്രമിക്കുമ്പോൾ ആയിരുന്നു കോൺഗ്രസിന്റെ പ്രതിഷേധം. 20 മിനിട്ടോളം ആംബുലൻസ് തടഞ്ഞുനിർത്തിയായിരുന്നു പ്രതിഷേധം. രോഗിയുടെ അവസ്ഥ പറയാൻ ശ്രമിച്ച ആശുപത്രി അധികൃതരോടും പ്രതിഷേധക്കാർ തട്ടിക്കയറി. എന്നാൽ പ്രതിഷേധങ്ങളെല്ലാം കഴിഞ്ഞ് മെഡിക്കൽ കോളജിൽ എത്തിച്ചതിന് പിന്നാലെ ബിനു മരിച്ചു.
എന്നാൽ കോൺഗ്രസ് പ്രവർത്തകർ പ്രതിഷേധിച്ചില്ലായിരുന്നുവെങ്കിൽ അനിയനെ രക്ഷിക്കാൻ കഴിയുമായിരുന്നുവെന്ന് ബിനുവിന്റെ ബന്ധു പറഞ്ഞു. രോഗികളെയൊന്നും ഈ ആംബുലൻസിൽ കൊണ്ടുപോകാൻ പറ്റില്ലെന്ന് കോൺഗ്രസ് പ്രവർത്തകർ പറയുകയുണ്ടായെന്നും വിതുരയിൽ നിന്ന് ഡോക്ടർ എത്രയും വേഗം മെഡിക്കൽ കോളജ് ആശുപത്രിയിൽ എത്തിക്കാൻ നിർദ്ദേശിച്ചതിന്റെ അടിസ്ഥാനത്തിലാണ് ബിനുവുമായി ആംബുലൻസ് പുറപ്പെട്ടത് എന്നാൽ ഒരു വിഭാഗം കോൺഗ്രസ് പ്രവർത്തകർ ആംബുലൻസ് എടുക്കാൻ സമ്മതിച്ചില്ല. അരമണിക്കൂർ മുന്നേ എത്തിച്ചിരുന്നുവെങ്കിൽ ബിനുവിന്റെ ജീവൻ നഷ്ടമാകിലായിരുന്നുവെന്നും ബന്ധുക്കൾ പറഞ്ഞു.അതേസമയം, ആശുപത്രി അധികൃതർ പരാതി നൽകിയതിന്റെ അടിസ്ഥാനത്തിൽ വിതുത പൊലീസ് കേസ് രജിസ്റ്റർ ചെയ്തു.ബന്ധുക്കളും പരാതി നൽകുമെന്ന് അറിയിച്ചിട്ടുണ്ട്.
അതേസമയം വിതുരയിൽ കോൺഗ്രസ് ആംബുലൻസ് തടഞ്ഞ് രോഗി മരിച്ച സംഭവത്തിൽ പ്രതികരണവുമായി DYFI. എന്തിനാണ് യൂത്ത് കോൺഗ്രസ് ഇങ്ങനെ സമര നാടകം നടത്തുന്നത്. നേതാക്കൾക്ക് എതിരെ കൊല കുറ്റത്തിന് കേസ് എടുക്കണമെന്നും വി കെ സനോജ് ആവശ്യപ്പെട്ടു.ഇത് ആദ്യ സംഭവമല്ലെന്നും എന്നാൽ ആംബുലൻസ് തടഞ്ഞു വയ്ക്കുന്ന സമരം ആദ്യമായാണ് കേരളത്തിൽ കാണുന്നത്. ബോധംപൂർവം നടന്ന സംഭവമെന്നും വി കെ സനോജ് കുറ്റപ്പെടുത്തി. ആരോഗ്യ മേഖലയിൽ ആകെ കുഴപ്പമെന്ന് വരുത്തി തീർക്കാനുള്ള ശ്രമത്തിന്റെ ഭാഗമായിരുന്നു യൂത്ത് കോൺഗ്രസ് സമരം.
പ്രതിപക്ഷ നേതാവ് അടക്കം നടത്തിയ ഗൂഢാലോചനയുടെ ഭാഗമാണ് ഇത്. ഈ തോന്നിവാസം കേരളത്തിൽ അനുവദിക്കില്ല. ജനങ്ങളുടെ ജീവൻ അപകടത്തിൽ പെടുത്തിയുള്ള സമരം അനുവദിക്കില്ല. ശക്തമായ പ്രക്ഷോഭത്തിന് ഡിവൈഎഫ്ഐ നേതൃത്വം നൽകും. ഇത്തരം നടപടി രാഷ്ട്രീയ പാർട്ടികൾക്ക് അപമാനം. യൂത്ത് കോൺഗ്രസ് ഇത്തരം സമരവുമായി വന്നാൽ അവർക്ക് ബുദ്ധിമുട്ട് ഉണ്ടാകുമെന്നും വി കെ സനോജ് വിമർശിച്ചു.