തിരുവല്ലയിൽ കാറിന് തീപിടിച്ച് 2 മരണം, മരിച്ചത് സ്ത്രീയും പുരുഷനും
കാറിന് തീപിടിച്ച വിവരമറിഞ്ഞ് ഫയര് ഫോഴ്സ് സ്ഥലത്തെത്തി തീയണക്കുകയായിരുന്നു. സംഭവത്തിൽ വിശദമായ അന്വേഷണം നടത്തുമെന്ന് പൊലീസ് അറിയിച്ചു. മൃതദേഹങ്ങൾ ആശുപത്രിയിലേക്ക് മാറ്റി.
![thiruvalla car fire](https://indiavisionmedia.com/wp-content/uploads/2024/07/car-fire-thiruvall.jpg)
പത്തനംതിട്ട | തിരുവല്ലയിൽ കാറിന് തീപിടിച്ച് 2 മരണം കാറിനുള്ളിൽ കത്തിക്കരിഞ്ഞ നിലയിൽ 2 മൃതദേഹങ്ങൾ കണ്ടെത്തി. വേങ്ങലിൽ പാടത്തോട് ചേര്ന്ന റോഡിൽ ഇന്ന് ഉച്ചയോടെയാണ് സംഭവം. തുകലശേരി സ്വദേശിയുടെ ഉടമസ്ഥതയിലുള്ള വാഗണർ കാറാണ് കത്തിയമർന്നത്.ഒരു പുരുഷൻ്റെയും സ്ത്രീയുടെയും മൃതദേഹമാണിതെന്ന പ്രാഥമിക നിഗമനത്തിലാണ് പൊലീസ്. മരിച്ചവരെ തിരിച്ചറിഞ്ഞിട്ടില്ല. അപകടമരണമാണോയെന്നും പൊലീസ് ഇതുവരെ സ്ഥിരീകരിച്ചിട്ടില്ല. കാര് പൂർണമായും കത്തിയമർന്ന നിലയിലാണ്. കത്തിക്കരിഞ്ഞ നിലയിൽ മൃതദേഹങ്ങൾ കണ്ടെത്തിയത്.
കാറിന് തീപിടിച്ച വിവരമറിഞ്ഞ് ഫയര് ഫോഴ്സ് സ്ഥലത്തെത്തി തീയണക്കുകയായിരുന്നു. സംഭവത്തിൽ വിശദമായ അന്വേഷണം നടത്തുമെന്ന് പൊലീസ് അറിയിച്ചു. മൃതദേഹങ്ങൾ ആശുപത്രിയിലേക്ക് മാറ്റി.അതേസമയം മരിച്ചവർ 60 വയസിന് മുകളിലുള്ളവരാണെന്നും കാർ ഉടമയും ഭാര്യയുമാകാം മരിച്ചതെന്നും പൊലീസ് പറയുന്നു. അപകടമരണമാണോയെന്നും പൊലീസ് സ്ഥിരീകരിച്ചിട്ടില്ല. സംഭവത്തിൽ വിശദമായ അന്വേഷണം നടത്തുമെന്ന് പൊലീസ് അറിയിച്ചു. മൃതദേഹങ്ങൾ ആശുപത്രിയിലേക്ക് മാറ്റിയിട്ടുണ്ട്. ഇവർ തുകലശേരി സ്വദേശികളാണെന്ന സൂചനയുണ്ട്.